IPL Match: सध्या देशभरात आयपीएलची (IPL) क्रेझ बघायला मिळत आहेत. प्रेक्षक आवडीनं आयपीएलच्या मॅच बघतात. अनेक क्रिकेटप्रेमी आयपीएलची मॅच स्टेडियममध्ये जाऊ बघतात. आयपीएल सामन्यादरम्यान फोटोग्राफर्स स्टेडियममधील लोकांचे फोटो काढतात. हे फोटो सोशल मीडियावर व्हायरल होतात. आता एका तरुणीचा आयपीएल मॅच बघतानाचा एक फोटो सोशल मीडयावर व्हायरल झाला आहे. सध्या या तरुणीची सोशल मीडियावर चर्चा होत आहे.
मुंबई इंडियन्स (Mumbai Indians) आणि आरसीबी (RCB) या संघांमध्ये झालेल्या समान्यामध्ये मुंबई इंडियन्सचा विजय झाला. या मॅचमधील बरेच फोटो सोशल मीडियावर व्हायरल झाले. त्याधील एका तरुणीच्या फोटोनं अनेकांचे लक्ष वेधले. ही तरुणी हुबेहूब श्रद्धा कपूरसारखी दिसते असं अनेकांचे मत आहे. आता श्रद्धा कपूरनं देखील या तरुणीचा फोटो सोशल मीडियावर शेअर केला. या फोटोला तिनं भन्नाट कॅप्शन दिलं.
श्रद्धानं त्या तरुणीचा फोटो सोशल मीडियावर शेअर करुन कॅप्शनमध्ये लिहिलं, "अरे ही तर मीच आहे". श्रद्धानं शेअर केलेल्या फोटो तरुणीचं नाव प्रगती नागपाल, असं आहे. प्रगतीला सोशल मीडियावर 66K फॉलोअर्स आहेत.
अभिनेत्री श्रद्धा कपूर सध्या सोशल मीडियावर खूप सक्रिय असते. तिचा 'तू झूठी मैं मक्कार' हा चित्रपट गेल्या वर्षी रिलीज झाला. या चित्रपटातील श्रद्धा आणि रणबीर कपूरच्या केमिस्ट्रीनं अनेकांची मनं जिंकली. रिपोर्ट्सनुसार, 'स्त्री' या चित्रपटाच्या दुसऱ्या भागातून श्रद्धा प्रेक्षकांच्या भेटीला येणार आहे. तसेच ती 'चंदू चॅम्पियन' या चित्रपटात देखील काम करणार आहे, असं म्हटलं जात आगे. श्रद्धाच्या आगामी चित्रपटांची प्रेक्षक उत्सुकतेने वाट बघत आहेत. श्रद्धाच्या एक व्हिलन, साहो, आशिकी 2 या चित्रपटांना प्रेक्षकांची पसंती मिळाली.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.