बॉलिवूड अभिनेत्री जान्हवी कपूरचा देशभरात मोठा चाहतावर्ग आहे, या जान्हवीच्या चाहत्यांसाठी एक वाईट बातमी समोर आली आहे. जान्हवीला अन्नातून विषबाधा झाल्याने तिला रुग्णालयात दाखल करण्यात आले असून गेल्या काही दिवसांपासून तिची प्रकृती ठीक नव्हती अशी माहिती समोर आली आहे. मिडीया रिपोर्टनुसार, जान्हवी प्रकृतीत सुधारणा होत नसल्याचे लक्षात आल्यानंतर कुटुंबीयांनी अखेर तिला रुग्णालयात दाखल केले आहे.

जान्हवी कपूरला दक्षिण मुंबईतील एचएन रिलायन्स रुग्णालयात दाखल करण्यात आले आहे. मिडीया रिपोर्टनुसार जान्हवी चेन्नईला गेली होती आणि मंगळवारी तिथून परतत असताना तिने विमानतळावर काहीतरी खायला घेतले होते. घरी आल्यानंतर जान्हवीची प्रकृती खालावली.

गेल्या काही दिवसांपासून जान्हवी खूप अशक्त वाटत होती. त्यानंतर आज प्रकृती अधिकच बिघडल्याने कुटुंबीयांनी जान्हवीला रुग्णालयात दाखल करण्याचा निर्णय घेतला. सध्या जान्हवीची प्रकृती आता स्थिर असून एक-दोन दिवसांत त्यांना डिस्चार्ज देण्यात येणार असल्याचे सांगण्यात येत आहे.जान्हवी नुकतीच अनंत अंबानी आणि राधिका मर्चंटच्या लग्नाला बॉयफ्रेंड शिखर पहाडियासोबत हातात हात घालून एंट्री करताना दिसली होती.

वर्क फ्रंटबद्दल बोलायचे झाले तर नुकताच जान्हवीच्या उलझ या चित्रपटाचा ट्रेलर रिलीज झाला. चाहत्यांना हा ट्रेलर चांगलाच आवडताना दिसत आहे. या चित्रपटातील जान्हवीच्या कामाचेही खूप कौतुक होत आहे. उलझ लवकरच थिएटरमध्ये दाखल होणार असून जान्हवी या चित्रपटात पूर्णपणे वेगळ्या अवतारात दिसणार आहे.

उलझ हा चित्रपट २ ऑगस्टला प्रदर्शित होणार असून, गुलशन देवैया, रोशन मॅथ्यू, मियांग चांग आणि आदिल हुसैन यांच्याही या चित्रपटात महत्त्वाच्या भूमिका आहेत. याशिवाय जान्हवीच्या खात्यात आणखी दोन मोठे चित्रपट आहेत, ज्यात ज्युनियर एनटीआरसोबत देवरा: भाग १ आणि सनी संस्कारी की तुलसी कुमारी या चित्रपटाचा समावेश आहे.