Indian: दाक्षिणात्य सिनेसृष्टीतील प्रसिद्ध अभिनेते कमल हासन (Kamal Haasan) यांच्या आगामी चित्रपटांची प्रेक्षक उत्सुकतेने वाट बघत असतात. अशातच त्यांचा 'इंडियन 2' (Indian 2) हा चित्रपट लवकरच प्रेक्षकांच्या भेटीला येणार आहे. 'इंडियन 2' हा चित्रपट रिलीज होण्याआधी कमल हासन यांचा इंडियन हा चित्रपट पुन्हा एकदा रिलीज करण्यात आला आहे. या चित्रपटाचा शो चेन्नईच्या कमला सिनेमामध्ये झाला. या शोदरम्यान प्रेक्षकांनी थिएटरमध्ये फटाके फोडले.
1996 मध्ये प्रदर्शित झालेल्या 'इंडियन' या चित्रपटात कमल हासन यांच्या व्यतिरिक्त मनीषा कोईराला आणि उर्मिला मातोंडकर यांनी प्रमुख भूमिका साकारली. 'इंडियन' या चित्रपटाच्या रि-रिलीजच्या शोदरम्यान कमल हासनच्या चाहत्यांनी थिएटरमध्येच फटाक्यांची आतषबाजी सुरू केली. थिएटरमधील व्हिडीओ सोशल मीडियावर व्हायरल झाले आहेत. या शोदरम्यान चाहत्यांनी कस्टम-मेड टी-शर्ट घातले होते, ज्यावर "इंडियन इज बॅक" असं लिहिलेलं दिसले.
1996 मध्ये 'इंडियन' हा चित्रपट रिलीज झाला होता. या चित्रपटात कमल हासन यांनी या चित्रपटात दुहेरी भूमिका साकारली आहे. आता 'इंडियन 2' हा चित्रपट प्रेक्षकांच्या भेटीला येणार आहे. या चित्रपटाचे दिग्दर्शन एस. शंकर यांनी केले आहे. 'इंडियन 2' हा चित्रपट 12 जुलैला रिलीज होणार आहे.
'इंडियन-2' या चित्रपटात रकुल प्रीत सिंग आणि प्रिया भावनानी शंकर यांच्याही भूमिका आहेत. रिपोर्ट्सनुसार, या चित्रपटाचा तिसरा भाग 2025 मध्ये रिलीज होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.