लोकप्रिय बॉलिवूड अभिनेत्री कंगना रणौत हिने २०२४ मध्ये हिमाचल प्रदेश येथून निवडणूक लढवली होती. या निवडणुकीत ती विजयी ठरली. सध्या कंगना मंडी येथील खासदार आहे. मात्र आता तिच्या या विजयाला हायकोर्टात आव्हान देण्यात आलं आहे. तर हिमाचल प्रदेशच्या हायकोर्टाने कंगनाला नोटीस पाठवली आहे. किन्नोर येथील एका व्यक्तीने त्यांचं निवडणुकीतील अर्ज चुकीच्या पद्धतीने अपात्र ठेवल्याचा आरोप केल्याने आता कंगनाच्या अडचणीत वाढ झाली आहे. जाणून घ्या नेमकं काय प्रकरण आहे.
किन्नोरयेथील लायक राम नेगी यांनी कोर्टात एक याचिका दाखल केली आहे. यात त्यांनी दावा केला आहे की त्यांनी मंडी येथून निवडणूक लढवण्यासाठी त्यांच्या नावाचा अर्ज दिला होता. मात्र त्यांचा अर्ज चुकीच्या कारणांमुळे अपात्र ठरवण्यात आला. त्यांना निवडणूक लढण्यापासून अडवण्यात आलं. पीटीआयने दिलेल्या माहितीनुसार, नेगी यांनी आरोप केला आहे की त्यांनी निवडणुकीच्या अर्जासोबत नो ड्यू सर्टिफिकेटदेखील दिलं होतं. मात्र मंडीच्या डेप्युटी कमिशनने त्यांच्याकडे वीज, पाणी आणि टेलिफोन विभागांकडून अतिरिक्त मंजुरीची मागणी केली. त्यांनी ही सगळी कागदपत्र देऊनही त्यांचा अर्ज बाद करण्यात आला.
या प्रकरणी न्यायमूर्ती जोत्स्ना रेवाल यांनी कंगनाला याबद्दल तिचं उत्तर नोंदवण्यासाठी २१ ऑगस्ट पर्यंत वेळ दिला आहे. रंगी यांच्या मते जर त्यांनी ही निवडणूक लढवली असती तर ते जिंकले असते. मात्र त्यांना निवडणूक लढण्यापासून अडवण्यात आलं. यासगळ्या प्रकारामुळे आता कंगनाची खुर्ची अडचणीत आहे.
निवडणूक आयोगाच्या नियमांनुसार जर कोणत्याही चुकीच्या कारणामुळे कोणत्याही एखाद्या अर्जदाराचा अर्ज बाद केला जातो तेव्हा ती संपूर्ण निवडणूक रद्द ठरवण्यात येते. त्यामुळे जर नेगी यांनी केलेले आरोप खरे ठरले तर कंगनाची खासदारकी जाऊ शकते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.