Drashti Dhami: छोट्या पडद्यावरील लोकप्रिय अभिनेत्रीने आता चाहत्यांना गुड न्यूज देत आश्चर्याचा सुखद धक्का दिला आहे. लग्नाच्या ९ वर्षांनंतर ती आई होणार आहे. ही अभिनेत्री आहे छोट्या पडद्यावरील लोकप्रिय मालिका 'मधुबाला' फेम दृष्टी धामी. दृष्टीने आपल्या अभिनयाने प्रेक्षकांची मनं जिंकली. आता तिने चाहत्यांना आनंदाची बातमी दिली आहे. दृष्टीने आपण आई होणार असल्याचं चाहत्यांना सांगितलं आहे. ती लवकरच आपल्या पहिल्या बाळाचं स्वागत करणार आहे. तिने नवऱ्यासोबत एक खास व्हिडिओ शेअर करत चाहत्यांना ही बातमी दिली आहे. आता चाहते तिच्यावर शुभेच्छांचा वर्षाव करत आहेत.

दृष्टीने तिच्या नवऱ्यासोबत एक व्हिडीओ शेअर करत लिहिलं, 'आता फार वेळ उरला नाहीये. आमच्या या वेड्या घरात आणखी एक छोटासा पाहुणा आमच्यासोबत राहायला येणार आहे. त्याच्यासाठी खूप खूप शुभेच्छा आणि प्रेम पाठवा. आम्ही ऑक्टोबरपर्यंत वाट नाही पाहू शकत.' या व्हिडिओच्या सुरुवातीलाच ते दोघे एक पोस्टर घेऊन उभे दिसतात. त्यांच्यावर फुगे टाकण्यात येतात आणि त्यांच्या हातातले दारूचे ग्लास घेऊन त्यांना दुधाच्या बॉटल देण्यात येतात. त्यांचा हा क्युट व्हिडिओ चाहत्यांना भावला आहे. त्यांच्यावर चाहते आणि इंडस्ट्रीमधील कलाकार आता शुभेच्छांचा वर्षाव करत आहेत.

दृष्टी आणि नीरज खेमका यांनी २१ फेब्रुवारी २०१५ रोजी लग्नगाठ बांधली होती. या लग्नाला त्यांच्या कुटुंबीयांसोबतच फिल्म इंडस्ट्रीमधील अनेक कलाकारदेखील उपस्थित होते. लग्नानंतर त्यांनी अनेकदा त्यांच्या आयुष्यातील गोष्टी चाहत्यांसोबत शेअर केल्या आहेत. आता ते दोघे नव्या पाहुण्याचं स्वागत करण्यासाठी सज्ज झाले आहेत.