Marathi Entertainment News : अभिनेता, निर्माता आणि दिग्दर्शक पुष्कर जोग त्याच्या वेगवेगळ्या प्रोजेक्टसमुळे चर्चेत असतो. बिग बॉस मराठी सीजन १ मुळे पुष्कर चर्चेत राहिला आणि या पहिल्या सीजनचा तो उपविजेता ठरला. त्यानंतर पुष्करने मागे वळून न बघता मराठीमध्ये अनेक सिनेमांची निर्मिती केली आणि काही सिनेमांचं दिग्दर्शनही केलं.

मराठी इंडस्ट्रीवर केलेली टीका

पुष्कर सोशल मीडियावर खूप सक्रिय असतो आणि इंडस्ट्रीत त्याला येणाऱ्या अनुभवांवर कायमच सडेतोड भाष्य करतो. यावेळी पुष्करने इंडस्ट्रीत त्याला सपोर्ट मिळत नसल्याबद्दल उघड नाराजी व्यक्त केली आणि तरीही तो इंडस्ट्रीसाठी ऑस्कर जिंकेल अशी इच्छाही व्यक्त केली.

पुष्करची पोस्ट

सोशल मीडियावर पुष्करने एक पोस्ट शेअर केली त्यात म्हणतो,"सगळ्यांसाठी सगळं केलं. खरा वागलो.. जेव्हा जेव्हा मेंटली खचतो तेव्हा तेव्हा शोधतो.. आपले कोण कोण.. आई आणि मुलगी.. नशीबवान आहेत सर्व ज्यांना खरे काळजी घेणारे मित्र आहेत . जिवंत असताना एकटाच राहीन बहुतेक.. मी गेल्यावर कोणी कोणी यायचं त्याची लिस्ट देऊन जाईन मी ..उगाचच किती वाईट वाटलं ह्याचा आव आणून येऊ नका.. पण अजून १ २ वर्षं आहेत..नॅशनल अवॉर्ड, ऑस्कर अवॉर्ड जिंकायचंय माझ्या मराठी फिल्म्ससाठी.. legend होऊनच जाईन.. लव्ह यु आई आणि फेलीशा.. तुम्ही सगळ्यांनी तुमचे खरे रंग जे मला दाखवलेत त्यासाठी तुमचे आभार.."

ऑस्कर जिंकण्याची इच्छा

याबरोबरच पुष्करने सोशल मीडियावर पोस्ट शेअर केली त्यात त्याने बनवलेल्या मराठी फिल्मसाठी ऑस्कर जिंकण्याची इच्छा व्यक्त केली. या आधीही पुष्कर मराठी इंडस्ट्रीमध्ये असलेल्या गटबाजीवर व्यक्त झाला होता.

पुष्करचा आता टॅबू हा मराठी सिनेमा प्रेक्षकांच्या भेटीस येतोय. या सिनेमाचं दिग्दर्शन स्वतः पुष्कर करणार आहे. धर्मा द एआय स्टोरी या आणखी एका सिनेमातुन प्रेक्षकांच्या भेटीस येणार आहे.