Ketaki Chitale: काही दिवसांपूर्वी पुण्यात (Pune) एका पोर्शे गाडीनं दोघांना चिरडले. ती पोर्शे गाडी एक अल्पवयीन मुलगा चालवत होता. ही घटना कल्याणीनगर (Kalyani Nagar) येथे रविवारी (ता. १९) पहाटे अडीच वाजण्याच्या सुमारास घडली. या अपघातात आयटी अभियंता तरुण-तरुणीचा मृत्यू झाला होता. या अपघातामुळे देशभरात खळबळ उडाली. अनेक जण या अपघाताबाबत भाष्य करत आहेत. अशातच आता अभिनेत्री केतकी चितळेनं (Ketaki Chitale) या घटनेबाबत एक व्हिडीओ शेअर केला आहे. तिच्या या व्हिडीओनं अनेकांचे लक्ष वेधले आहे. केतकी चितळेनं या व्हिडीओच्या माध्यमातून पोलिसांवर ताशेरे ओढले आहेत.

काय म्हणाली केतकी?

केतकीनं तिच्या इन्स्टाग्रामवर एक व्हिडीओ शेअर केला आहे. या व्हिडीओमध्ये दिसत आहे की केतकी म्हणते, "ड्रायव्हर गाडी चालवत होता आणि त्या अल्पवयीन मुलाची काही चूक नव्हती, असा पोलिसांनी प्लॅन करायचा प्रयत्न केला, पण पोलिसांचा हा प्लॅन फसला. पोलीस महानालायक असतात हे आपल्याला माहित आहे."

केतकीनं तिच्या लेट्स टॉक या युट्यूब चॅनलवर देखील एक व्हिडीओ शेअर केला आहे. या व्हिडीओच्या माध्यमातून केतकीनं पुण्यातील अपघाताबाबत तिचं मत व्यक्त केलं. यामध्ये ती म्हणाली, "जे लोक या प्रकरणाची तक्रार पोलिसांकडे करायला गेले होते, त्यांनाच पोलिसांनी अरोपीच्या पिंजऱ्यात टाकलं, ही गोष्ट नवीन नाहीये. माझ्यावर तर डायरेक्ट डेथ थ्रेट देण्यात येत होते. तेव्हा कळंबोली पोलीस स्टेशनमध्ये मी गेले होते, ही केतकी तुच कशी? असे प्रश्न मला पोलिसांनी तेव्हा विचारले होते."

व्हिडीओमध्ये केतकीनं पोलिसांवर टीका केली आहे. केतकीच्या या व्हिडीओची चर्चा सध्या सोशल मीडियावर होत आहे.