Prajakta Mali: आज (14 जून) मनसे अध्यक्ष राज ठाकरे (Raj Thackeray) यांचा वाढदिवस आहे. त्यांच्या वाढदिवसानिमित्त अनेक सेलिब्रिटींनी सोशल मीडियावर पोस्ट शेअर करुन त्यांना शुभेच्छा दिल्या आहेत. नुकतीच अभिनेत्री प्राजक्ता माळीनं (Prajakta Mali) देखील राज ठाकरे यांच्या वाढदिवसानिमित्त एक खास पोस्ट शेअर केली आहे.

प्राजक्ताची पोस्ट

सोशल मीडियावर शेअर केलेल्या पोस्टमध्ये प्राजक्तानं तिच्या ‘प्राजक्तराज' या ब्रँडच्या लाँच सोहळ्यातील काही फोटो शेअर केले. या फोटोंना तिनं कॅप्शन दिलं, "आदरणीय “आपणांस” वाढदिवसाच्या आभाळभर शुभेच्छा…राज ठाकरे जी..जे करण्याची इच्छा आहे, ते काम हातात यावं. काम करताना आनंद मिळावा. त्यातून समाधान लाभावं, ह्याच वाढदिवसानिमित्त माझ्याकडून व ‘प्राजक्तराज परिवाराकडून’ शुभकामना. #शुभेच्छा #अविरत #श्रीमंत, फोटोत दिसताय त्याप्रमाणे सदैव हसत रहा, प्रसन्न रहा.."

प्राजक्ताच्या ‘प्राजक्तराज' या ब्रँडच्या लाँचिंग सोहळ्याला राज ठाकरे आणि त्यांची पत्नी शर्मिला ठाकरे यांनी हजेरी लावली होती.

प्राजक्तानं अनेक मालिका आणि चित्रपटांमध्ये काम केलं आहे. ती सध्या महाराष्ट्राची हास्यजत्रा या कार्यक्रमातून प्रेक्षकांच्या भेटीला येत आहे. या कार्यक्रमाचे ती सूत्रसंचालन करते. प्राजक्ताला जुळून येती रेशमी गाठी या मालिकेमुळे विशेष लोकप्रियता मिळाली. प्राजक्तानं लकडाऊन, हंपी, पावनखिंड आणि वाय या चित्रपटात प्रमुख भूमिका साकारली आहे.