लोकप्रिय मराठमोळी अभिनेत्री रिंकू राजगुरू हिने आपल्या अभिनयाने प्रेक्षकांना आपलंसं केलं. तिने आपल्या चांगल्या वागणुकीच्या जोरावर प्रेक्षकांच्या मनात स्थान निर्माण केलं. 'सैराट' मधून घराघरात पोहोचलेली रिंकू आज कित्येकांच्या मनावर राज्य करतेय. प्रेक्षकांची मनं जिंकणारी रिंकू यापूर्वी 'झिम्मा २' मध्ये दिसली होती. तिची आणि निर्मिती सावंत यांची जुगलबंदी प्रेक्षकांना प्रचंड आवडली होती. रिंकू सोशल मीडियावरही सक्रीय असते. ती आपल्या वैयक्तिक आयुष्यातीलही अनेक गोष्टी चाहत्यांसोबत शेअर करत असते. आता तिने अशीच एक आनंदाची गोष्ट चाहत्यांना सांगितली आहे. रिंकूला तिचं नवं प्रेम मिळालं आहे.

रिंकूने सोशल मीडियावर एक पोस्ट शेअर केली आहे. यात तीन तिच्या नव्या प्रेमाबद्दल सांगितलं आहे. तिचं नवं प्रेम म्हणजे एखादी व्यक्ती नसून तिची नवीकोरी गाडी आहे. रिंकूने नुकतीच नवीन गाडी खांदेरी केली आहे. ही तिची पहिलीवहिली वाडी असल्याने ती तिच्यासाठी खूप खास आहे. तिने तिच्या स्वप्नांच्या यादीमधलं एक स्वप्न पूर्ण केलं आहे. रिंकूने एक पोस्ट करत याबद्दल सांगितलं आहे. तिने नव्याकोऱ्या गाडीसोबतचे अनेक फोटो शेअर केले आणि लिहिलं, 'पहिली गाडी ही कायम खास असते… हक्काची पहिली गाडी खरेदी करण्याची भावना काहीतरी वेगळीच असते… जी तुम्ही शब्दांत व्यक्त करू शकत नाही. ही गाडी म्हणजे माझं नवीन प्रेम आहे.' रिंकूची पोस्ट पाहून चाहते तिच्यावर शुभेच्छांचा वर्षाव करत आहेत.

या फोटोंमध्ये रिंकू तिच्या पांढऱ्या रंगाच्या गाडीसोबत पांढऱ्या रंगाच्या ड्रेसमध्ये दिसत आहे. चाहत्यांसोबतच कलाकारांनीदेखील तिच्यावर शुभेच्छांचा वर्षाव केला आहे. स्वप्नील जोशी, छाया कदम, ऋतुजा बागवे, सायली संजीव, प्रार्थना बेहेरे, किशोर शहाणे, श्वेता रंजन यांनी कमेंट्स करत रिंकूला शुभेच्छा दिल्या आहेत. आता चाहते तिच्या पुढील चित्रपटाची आतुरतेने वाट पाहत आहेत.