Salman Khan: बॉलिवूडमधील प्रसिद्ध अभिनेता अभिनेता सलमान खानच्या (Salman Khan) घराच्या बाहेर 14 एप्रिल रोजी गोळीबार करण्यात आला. या प्रकरणातील आरोपींना पोलिसांनी अटक केली आहे. या घटनेनंतर पोलिसांनी सलमानच्या घराबाहेरील सुरक्षा वाढली. तसेच सलमान हा या घटनेमुळे गेल्या काही दिवसांपासून चर्चेत आहे. आता या घटनेनंतर सलमान खान लंडनला पोहोचला आहे. लंडनमधील त्याचे फोटो सोशल मीडियावर व्हायरल झाले आहेत.

यूकेच्या खासदारांकडून फोटो शेअर

यूकेमधील ब्रेंट नॉर्थ मतदारसंघातील खासदार बॅरी गार्डिनर (Barry Gardiner) यांची सलमान खाननं लंडनमध्ये भेट घेतली. त्यांचे फोटो सोशल मीडियावर व्हायरल झाले आहेत. बॅरी गार्डिनर यांनी ट्विटरवर (एक्स) वेम्बली स्टेडियममधील सलमानसोबतचे फोटो शेअर केले आहेत. या फोटोमध्ये सलमान आणि बॅरी गार्डन हे एकमेकांसोबत बोलताना दिसत आहेत.

खास कॅप्शन

बॅरी गार्डिनर यांनी सलमानसोबतचे फोटो शेअर करुन कॅप्शनमध्ये लिहिलं, "टाइगर जिंदा है और लंदन में है.आज सलमान खानचे वेम्बली येथे स्वागत करताना आनंद होत आहे." बॅरी गार्डिनर यांनी शेअर केलेल्या फोटोवर नेटकऱ्यांनी लाइक्स आणि कमेंट्सचा वर्षाव केला आहे.

सलमानचे आगामी चित्रपट

सलमाननं काही दिवसांपूर्वी त्याच्या सिकंदर या आगामी चित्रपटाची घोषणा केली. तसेच त्याचे किक 2, पठाण वर्सेज टायगर हे देखील प्रेक्षकांच्या भेटीला येणार आहेत. सलमानच्या आगामी चित्रपटांची प्रेक्षक उत्सुकतेने वाट बघत आहेत.