इंडियन आयडॉलचा सेकंड रनर अप असलेला गायक राहुल वैद्य सोशल मीडियावर खूप लोकप्रिय आहे. त्याची गाणी खूप गाजतात. याबरोबरच चर्चा होते ती राहुलच्या वैयक्तिक आयुष्याची. राहुलने दिशा परमार बरोबर लग्न केलं असून त्यांना एक वर्षाची नव्या नावाची मुलगी आहे. नुकताच नव्या आणि राहुलचा एक व्हिडिओ सोशल मीडियावर व्हायरल होतोय.

नुकतंच दिशा, राहुल आणि नव्याला एअरपोर्टवर पापराझींनी स्पॉट केलं. त्यावेळी नव्याने दिलेल्या प्रतिक्रियेने सगळ्यांच लक्ष वेधून घेतलं. नव्या पहिल्यांदाच तिच्या कुटूंबाबरोबर एअरपोर्टवर दिसली.

विरल भयानीने शेअर केलेल्या व्हिडिओमध्ये पाहायला मिळालं की, नव्या आई-बाबांबरोबर एअरपोर्टवर आली तेव्हा सगळ्या फोटोग्राफर्सनी तिला हाक मारली. ती सगळ्यांकडे कुतूहलाने बघत होती. त्यानंतर राहुलने तिला हात जोडायची कृती करून दाखवायला सांगितली पण नव्याने बाबांच्या सांगण्याप्रमाणे केलं नाही. नंतर त्याने तिला टाळ्या वाजवून दाखवायला सांगितल्या पण नव्याने त्याकडेही दुर्लक्ष केलं. तेव्हा राहुलने सगळ्यांना आज ती मूडमध्ये नाहीये अस सांगितलं आणि तो पापराझींची चौकशी करून निघाला.

सोशल मीडियावर हा व्हिडीओ सध्या चर्चेत आहे. अनेकांनी कमेंट करत नव्याच्या क्युटनेस कौतुक केलं तर काहींनी नव्याने फोटोग्राफर्सना भाव दिला नाही असं म्हंटलं. तर राहुल आणि नव्याचं बॉंडिंगही अनेकांना आवडलं.

सोशल मिडियावर राहुल लेकीबरोबरचे व्हिडिओ शेअर करत असतो. नव्याच्या अक्टिव्हिटी पाहणं अनेकांना आवडतं.

दरम्यान, दिशा आणि राहुलने 2021 मध्ये लग्नगाठ बांधली. ते बराच काळ एकमेकांना डेट करत होते. दिशा बडे अच्छे लगते है या मालिकेमुळे घराघरात पोहोचली. सगळेजण तिच्या कमबॅकची आतुरतेने वाट पाहत आहेत.