Titanic: काही चित्रपट असे असतात, ज्यांनी प्रेक्षकांच्या मनात एक विशेष स्थान निर्माण केलेले असते. टायटॅनिक (Titanic) हा चित्रपट त्याच चित्रपटांपैकी एक आहे. 1997 मध्ये प्रदर्शित झालेला टायटॅनिक हा चित्रपट आयकॉनिक चित्रपटांपैकी एक आहे. लोक आजही हा चित्रपट आवडीनं बघतात. या चित्रपटात लिओनार्डो डिकॅप्रियो (Leonardo DiCaprio) आणि केट विंसलेट (Kate Winslet) यांनी मुख्य भूमिका साकारली आहे. टायटॅनिक चित्रपटात दाखवण्यात आलेली रोज आणि जॅकची प्रेमकथेला प्रेक्षकांची पसंती मिळाली.आता या आयकॉनिक चित्रपटात वापरण्यात आलेल्या काही वस्तूंचा लिलाव करण्यात आला आहे.

रोजचा जीव वाचवणाऱ्या दरवाज्याचा लिलाव

टायटॅनिक हा चित्रपट ज्यांनी पाहिला असेल त्यांना या चित्रपटातील शेवटचा आयकॉनिक सीन नक्की आठवत असेल. या चित्रपटाच्या शेवटच्या सीनमध्ये ज्या दरवाज्यामुळे रोजचा जीव वाजतो त्या दरवाज्याचा आता लिलाव करण्यात आला आहे न्यूयॉर्क टाइम्सच्या रिपोर्टनुसार, हा दरवाजा $718,750 (सुमारे 5 कोटी रुपये) मध्ये विकला गेला आहे.

केट विंसलेटच्या ड्रेसचा देखील लिलाव

रिपोर्टनुसार, टायटॅनिक या चित्रपटात अभिनेत्री केट विंसलेटनं परिधान केलेल्या ड्रेसचाही लिलाव करण्यात आला आहे. केटचा ड्रेसचा लिलाव $125,000 (सुमारे 99,00,205 रुपये) मध्ये झाला. पण टायटॅनिक या वस्तू खरेदी करणाऱ्यांची नावे अजून समोर आलेली नाहीत.

जेम्स कॅमेरून यांनी टायटॅनिक या चित्रपटाचं दिग्दर्शन केलं आहे. हा चित्रपट रिलीज होऊन जवळपास 27 वर्षे झाली आहेत, तरी देखील लोक आजही हा चित्रपट आवडीनं बघतात. या चित्रपटातील प्रेक्षक भूमिकेनं प्रेक्षकांच्या मनात विशेष स्थान निर्माण केलं. या चित्रपटात लिओनार्डो डिकॅप्रियो, केट विंसलेट यांच्यासोबतच बिली झेन, कॅथी बेट्स, बिल पॅक्सटन, ग्लोरिया स्टुअर्ट या कलाकारांनी देखील महत्वाची भूमिका साकारली.