लोकप्रिय बॉलिवूड अभिनेत्री तृप्ती डिमरी सध्या सोशल मीडियावर चर्चेत आहे. 'ऍनिमल' नंतर तृप्तीच्या लोकप्रियतेत प्रचंड वाढ झाली होती. त्यानंतर तिचा 'बॅड न्यूज' देखील प्रदर्शित झाला होता. आता तिच्याकडे चित्रपटांची रांग लागली आहे. लवकरच ती राजकुमार रावसोबत 'विकी विद्याका वो वाला व्हिडिओ' मध्ये दिसणार आहे. मात्र याच चित्रपटाच्या प्रमोशनदरम्यान असं काहीतरी घडलंय ज्यामुळे चाहते अभिनेत्रीवर चांगलेच संतापले आहेत. तिच्या पोस्टरला काळं फासण्यात आलंय सोबतच तिच्या विरुद्ध कायदेशीर कारवाई करणार असल्याचं देखील म्हटलं आहे. नेमकं प्रकरण काय आहे?

सोशल मीडियावर एक व्हिडिओ व्हायरल होतोय ज्यात एक महिला प्रचंड रागात दिसत आहे. ती म्हणते, 'कुणीही हिचे चित्रपट पाहणार नाही. कमिटमेंट करूनही हे लोक येत नाहीत. टाइम मॅनेजमेंट यायला हवी. कोणती मोठी सेलिब्रिटी झालीये ही. कोणाला माहीत आहे हिचं नाव.' तृप्तीने जयपूरमध्ये एका कार्यक्रमाला हजेरी लावण्यासाठी ५. ५ लाख घेतले होते. मात्र ती या कार्यक्रमासाठी गेलीच नाही. त्यानंतर या कार्यक्रमाच्या ऑर्गनायझरने तिच्यावर कायदेशीर कारवाई करणार असल्याची धमकी दिली आहे. या कार्यक्रमासाठी अर्धे पैसे घेतल्यानंतर अभिनेत्रींच्या मॅनेजरने त्यांना थोडावेळ थांबायला सांगितलं. आणि नंतर अभिनेत्रीने वेळ नसल्याने हा कार्यक्रम स्किप केला. ती कार्यक्रमाला गेलीच नाही.

सगळी तयारी झालेली असताना अभिनेत्री गेली नाही त्यामुळे त्या कार्यक्रमातील स्त्रियांनी तिच्या पोस्टरवर काळं फासलं.तृप्ती आणि राजकुमार यांचा 'विक्की और विद्या का वो वाला व्हिडीओ' ११ ऑक्टोबर रोजी प्रदर्शित होणार आहे. त्यानंतर ती कार्तिक आर्यनसोबत 'भूल भुलैया ३' मध्येही दिसणार आहे. तर ती सिद्धार्थ चतुर्वेदीसोबत 'धडक २' मध्येही दिसणार आहे.