Bigg Boss Marathi: 'बिग बॉस मराठी ५' मधून आज शेवटचं एव्हिक्शन झालं आहे. मराठी अभिनेत्री वर्षा उसगावकर या अपेक्षेप्रमाणे 'बिग बॉस'च्या घराबाहेर गेल्या आहेत. त्यामुळे आता बिग बॉसमध्ये एकूण सहा सदस्य राहिले आहेत. आज कोण घराबाहेर जाणार याकडे महाराष्ट्रातील बिग बॉस प्रेमींचे लक्ष लागले होते.

वर्षा उसगावकर आणि जान्हवी किल्लेकर यांना सगळ्यात कमी वोट मिळाले होते. एव्हिक्शनमध्ये सर्वात कमी वोट्स वर्षा उसगावकर यांना मिळाल्याचे समोर आले होते. त्यामुळे वर्षा उसगावकर यांना बिग बॉसच्या घरातून बाहेर व्हावं लागलं आहे. शेवटचं एव्हिक्शन असल्याने आज बिग बॉसला सिझनमधील टॉप ६ स्पर्धक भेटले आहेत. हे सर्व स्पर्धक आता थेट अंतिम फेरीत गेले आहेत.

सगळ्यात जास्त वोटिंग सुरज चव्हाणला मिळाली आहे. त्यानंतर अंकिता वालावलकर हिचा क्रमांक लागतो. बिग बॉसमध्ये आता सुरज चव्हाण, अंकिता, अभिजित सावंत, धनंजय पोवार, जान्हवी किल्लेकर हे सदस्य अंतिम फेरीमध्ये गेले आहेत. सहा ऑक्टोबर रोजी सीझनचा ग्रँड फिनाले होणार आहे. या दिवसाची अनेकजण आतुरतेने वाट पाहात आहेत.