Bigg Boss Marathi Latest Update : कलर्स मराठीवरील बिग बॉस मराठी सीजन ५ खूप गाजतोय. घरातील सतत बदलणारी समीकरण, निक्की तांबोळीच्या ग्रुपविरुद्ध टीम बीची स्ट्रॅटेजी, घरातील मस्ती सगळेचजण एन्जॉय करतायेत. बिग बॉसच्या घरात दुसरा कॅप्टन्सी टास्क रंगला. यावेळी योगिता चव्हाण, सूरज चव्हाण विरुद्ध संपूर्ण टीम एची जोरदार टशन पाहायला मिळाली.
कलर्स मराठीच्या सोशल मीडिया पेजवर नुकताच कॅप्टन्सी टास्कचा नवीन प्रोमो शेअर करण्यात आला. टीम ए आठवड्याचा टास्क जिंकल्यामुळे त्यांना कॅप्टन्सी टास्कमध्ये उतरण्याची संधी मिळाली. यावेळी मात्र टीम ए मध्ये योगिता आणि सूरजही होते. यावेळी योगिताने खेळलेल्या टास्कमुळे सगळीकडे तिचं कौतुक होत आहे.
सोशल मीडियावर शेअर केलेल्या प्रोमोमध्ये पाहायला मिळालं कि, निक्की आणि जान्हवीने योगिताकडे असलेले बार्स पळवण्याचा प्रयत्न केला पण योगिताने त्यांना चांगलंच झुंजवलं. त्या दोघी असूनही त्यांना योगिताला सांभाळता आलं नाही. त्यामुळे नंतर प्रोमोमध्ये आर्या योगिताच "वाघिणीने ठार केलं त्यांना" या शब्दांमध्ये कौतुक करताना पाहायला मिळाली.
प्रोमोवर कमेंट्स करत अनेकांनी योगिताचं भरभरून कौतुक केलं. तिने हे घर सोडून जाण्याचा निर्णय बदलावा असं अनेकांनी म्हंटल. अगदी बिग बॉस मराठीच्या एक्स स्पर्धक तृप्ती देसाई यांनीही योगिताने बिग बॉस मराठीमध्ये खेळावं असा सल्ला दिला. तर अनेक प्रेक्षकांनीही तिला सपोर्ट केला.
त्यामुळे हा प्रोमो पाहून लक्षात आलंच असेल कि,'बिग बॉस मराठी'चा आजचा कॅप्टनसी टास्क खूपच रंगतदार असणार आहे. कोण होणार 'बिग बॉस मराठी'चा नवा कॅप्टन याकडे सर्वांच्या नजरा लागल्या आहेत. तेव्हा पाहायला विसरू नका बिग बॉस मराठी सीजन ५ दररोज रात्री ९ वाजता फक्त कलर्स मराठीवर आणि जिओ सिनेमावर कधीही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.