मंचर : येथील कृषी उत्पन्न बाजार समितीच्या आवारात रविवारी (ता. 13) कांद्याला प्रति दहा किलोला उच्चांकी 325 रुपये बाजारभाव आठवड्यात प्रति दहा किलोला 270 ते 280 रुपयापर्यंतच बाजार भाव मिळत होता.

कांद्याचे बाजार भाव वाढत असल्याने कांदा उत्पादकांना दिलासा मिळाला आहे. अशीमाहिती मंचर कृषी उत्पन्न बाजार समितीचे सभापती वसंतराव भालेराव यांनी दिली. कृषि उत्पन्न बाजार समिती मंचर येथे आठवड्यातील रविवार, मंगळवार व गुरुवार या तीन दिवशी कांदा खरेदी विक्रीचे व्यवहार शेतकऱ्यांच्या समक्ष लिलाव पद्धतीने होतात. नारोडी, गिरवली चास माळुंगे पडवळ, रांजणी लाखनगाव,

पोंदेवाडी, लांडेवाडी वडगाव काशिंबे तसेच शिरूर तालुक्यातील पिंपरखेड, पाबळ, खेड तालुक्यातील वापगाव वरुडे जवळके आधी गावातून येथे 25 हजार कांद्याच्या पिशव्यांची आवक झाली. दहा किलो गोळा कांद्याला 300 रुपये ते 325 रुपये,सुपर कांदा 250 रुपये ते 280 रुपये, गुलटी कांदा 120 रुपयेते 220 रुपये, बदला कांदा 50 रुपयेते 120 रुपयेअसा प्रतवारीनुसार बाजारभाव मिळाला आहे.

कांद्याच्या बाजारभावात वाढ होत असल्याने शेतकरी वर्गात समाधानाचे वातावरण दिसून येत आहे. मंचर बाजार आवारात खेड व शिरूर तालुक्यातून प्रामुख्याने कांद्याचे आवक होत असते. अधिक मास महिना संपल्याने व श्रावण महिना सुरू झाल्याने कांद्याच्या मागणीत वाढ झाली आहे. गेली अनेक महिने बाजार भाव नसल्याने कांदा उत्पादक शेतकरी अडचणीत सापडला होता.कांद्याचे बाजारभाव चढते राहण्याची शक्यता बाजार समितीचे उपसभापती सचिन पानसरे यांनी व्यक्त केली आहे