मंचर : जुन्या पुणे- नाशिक महामार्गावर मंचर- शेवाळवाडी ( तालुका आंबेगाव) येथे एका एसटीला मागच्या बाजूने दुसऱ्या एसटीने धडक दिल्याने झालेल्या अपघातात तीन प्रवासी जखमी झाले आहेत. दोन्ही एसटीतील ४६प्रवासी सुखरूप वाचले. जेथे अपघात झाला . तेथे सिमेंट कारखान्यातकाम करणारेतीन-चार मजूर पावसामुळे आडोशाला गेल्यामुळे मोठी दुर्घटना ट ळली आहे. मंगळवारी( ता 25)संध्याकाळी साडेपाचच्या सुमारास अपघाताची घटना घडली.

पुणे ते आळेफाटा (एम एच 20 बी एल 13 82 ) शिवाजीनगर आगाराची एसटी गाडी ने शेवाळवाडी येथील पूल ओलांडल्यानंतर व्यवस्थित ब्रेक लागत नाही असे चालक लखन राठोड यांच्या लक्षात आले. त्यांनी एसटी डाव्या बाजूला घेऊन थांबवण्याचा प्रयत्न केला. दरम्यानच्या काळात पाठीमागून भरधाव आलेल्या सासवड -पुणे मार्गे नाशिक (एम एच 14. एचजी 84 81). एसटीचे चालक तात्या सरपोतदारयांना गाडीच्या वेगावर नियंत्रण ठेवता न आल्याने समोर उभ्या असलेल्या एसटीला जोरदार धडक बसली. या अपघातात दोन्ही एसटी गाड्यांचे मोठ्या प्रमाण नुकसान झाले आहे. नाशिक ला जाणाऱ्याएसटीतील दिपाजी देवाजी ढा करे (वय 59 ) कांताबाई ढाकरे(दोघे राहणार शिंगवे पारगाव तालुका आंबेगाव) अर्जुन धर्मा कुराडकर (वय 53 राहणार देवळाली नाशिक रोड नाशिक)हेतीन प्रवासी जखमी झाली असून त्यांच्यावर मंचर उपजिल्हा रुग्णालयात डॉ.प्रिया चव्हाण व अन्य डॉक्टरांचे पथक उपचार करत आहेत. जखमींची प्रकृती व्यवस्थित असल्याचे डॉ चव्हाण यांनी सांगितले.

दरम्यानघटनास्थळी मंचर एसटी आगाराचे आगारप्रमुख बालाजी सूर्यवंशी यांनी भेट देऊन प्रवाशांना धीर दिला. अन्य एसटी गाड्यांमध्ये प्रवाशांना बसून त्यांची पुढील प्रवासाची व्यवस्था केली. मंचर पोलीस ठाण्याचे पोलीस हवालदार संतोष मांडगे यांनी भेट देऊन रपंचनामा केला आहे.

"अपघात घडला त्या ठिकाणी सिमेंटचे खांब खिडक्या व अन्य वस्तू तयार करण्याचा कारखाना आहे.उत्तर प्रदेशातील कामगार काम करत असतात. तसेच विविध वस्तू खरेदीसाठी ग्राहकांची येथे नेहमी वर्दळ असते. पण पाऊस पडत असल्याने सुदैवाने तेथे कोणी नव्हते. त्यामुळे मोठी जीवित हानी टळली

राजेश कुमार प्रजापती व्यावसायिक