पिंपरी : लिफ्टच्या बहाण्याने मोटारीत बसलेल्या तीन महिलांनी ब्लेडचा धाक दाखवीत मोटर चालकाकडील ऐवज लुटला. ही घटना निगडी प्राधिकरण येथे घडली.

रशियन वैमानिकांनी पुण्यात उडविले सुखोई 30 
 

गणेश नानासाहेब देशमुख (रा दत्तवाडी, आकुर्डी) यांनी फिर्याद दिली आहे. त्यानुसार तीन अनोळखी महिलांवर गुन्हा दाखल झाला आहे. फिर्यादी हे मंगळवारी (ता.17) रात्री साडे दहाच्या सुमारास (एम एच 15, बी एक्स 5262 ) या त्यांच्या मोटारीतून घरी जात होते. ते प्राधिकरणातील बीआरटी मार्गावरील कृष्णा हॉटेल समोर आले असता तीन महिलांनी त्यांना लिफ्ट मागितली.

पुण्याच्या बातम्या वाचण्यासाठी ► क्लिक करा 

फिर्यादी यांनी मोटार थांबविल्याने तीन महिला मोटारीत बसल्या. त्यानंतर फिर्यादीला ब्लेडचा धाक दाखवून महिलांनी त्यांच्याकडील सोनसाखळी, अंगठी व रोख रक्कम असा एकूण 95 हजारांचा ऐवज लुटला. याप्रकरणी निगडी पोलिस ठाण्यात गुन्हा दाखल आहे.

ताज्या बातम्यांसाठी डाऊनलोड करा ई-सकाळचे ऍप