पुणे : हवाई दलातील ग्रुप कॅप्टन अजय यशवंत नातू (वय ४१) यांचे हृदयविकाराच्या धक्क्याने निधन झाले. त्यांच्यावर शनिवारी लष्करी इतमामात वैकुंठ स्मशानभूमीत अंत्यसंस्कार झाले. त्यांच्यामागे आई, वडील आणि भाऊ असा परिवार आहे. जामनगरमधील तळावर त्यांना हृदयविकाराचा त्रास झाला.

एसपीएम स्कूल आणि गरवारे महाविद्यालयाचे ते माजी विद्यार्थी होते. राष्ट्रीय संरक्षण प्रबोधिनीमधून त्यांनी लष्करी शिक्षण पूर्ण केले. सुमारे २० वर्षे ते हवाई दलात होते. बिदर येथे कमांडिंग ऑफिसर म्हणून त्यांची नियुक्ती होती.

गरवारे महाविद्यालयाचे माजी प्राध्यापक यशवंत नातू यांचे चिरंजीव; तर डॉ. धनंजय यांचे ते लहान भाऊ होत.