उपमुख्यमंत्री अजित पवार नेहमीच सडेतोड अन् स्पष्ट स्वभावामुळे ओळखले जातात. अनेकदा कामांचा धडाका लावतात. तर, अनेकदा त्यांची वक्तव्य चर्चेचा विषय ठरतात. याचा पुन्हा एकदा पुण्यात आलाय. पिंपरी-चिंचवडमध्ये पार पडलेल्या एका कार्यक्रमात अजित पवारांनी पोलीस उपायुक्तांनाच टोला लगावला. यावेळी स्टेजवर उपस्थित असलेल्या वरीष्ठ अधिकाऱ्यांनाही हसू आवरलं नाही. (Ajit Pawar in Pune)

पिंपरी-चिंचवड महानगरपालिकेच्या मुख्य इमारतीत फायर फायटर बाईक्सचं वितरण करण्यात आलं. आधुनिक तंत्रज्ञान आणि अवजारांसह या बाईक्स जनसामान्यांच्या सेवेत येणार आहेत. पोलिसांना गस्त घालण्यासाठी देखील या बाईक महत्वाच्या ठरणार आहेत. त्याचा वितरण सोहळा पार पडला.

पालकमंत्री अजित पवार यांच्या हस्ते या गाड्यांच्या चाव्यांचं वितरण करण्यात आलं. यावेळी अजित पवारांनी पोलीस उपायुक्तांना स्टेजवरच 'बारीक व्हा', असा सल्ला दिला.

पिंपरी चिंचवडचे पोलीस आयुक्त अंकुश शिंदे हे देखील यावेळी उपस्थित होते.