पुणे : एलन करिअर इन्स्टिट्यूटच्या पुण्यातील (pune) विद्यार्थ्यांनी आंतरराष्ट्रीय स्तरावरील ऑलिंपियाडमध्ये चांगली कामगिरी केली आहे. पुण्याच्या 9pune) तीन विद्यार्थ्यांना सिंगापूर (singapur) इंटरनॅशनल गणित ऑलिंपियाडमध्ये उत्कृष्टता सिद्ध केली आहे. शौर्य अग्रवाल याने सर्वोत्कृष्ट गुण मिळविले.

जगातील ३२ विद्यार्थ्यांनी परिपूर्ण गुण मिळविले असून शौर्य हा त्यातील एक आहे. याशिवाय राज चांडक याने सुवर्ण, तर मनीषा थोरातने रौप्यपदक मिळविले आहे. इन्स्टिट्यूटच्या पुणे शाखेचे प्रमुख अरुण जैन म्हणाले, ‘‘भारतासह बल्गेरिया, हाँगकाँग, इंडोनेशिया, इराण, मलेशिया, फिलिपिन्स, मकाऊ, सिंगापूर, थायलंड आणि व्हिएतनाम येथील विद्यार्थ्यांनी परिपूर्ण कामगिरी केली आहे. भारताकडून शौर्य अग्रवाल एकमेव असून त्याने परिपूर्ण गुण मिळविले आहेत. या ऑलिंपियाडमध्ये २५ देशांतील एक हजार ९०७ विद्यार्थी अंतिम फेरीत होते. यात गणित ऑलिंपियाड स्पर्धा, गणित मास्टरमाइंड स्पर्धा आणि माइंड स्पोट्‌र्स चॅलेंज अशा स्पर्धा होत्या. गणिताला प्रोत्साहन देण्याचा याचा हेतू आहे.’’

शौर्य म्हणाला, ‘‘इयत्ता नववीत असल्यापासून एलन पुण्याच्या क्लासरूम प्रोग्रॅमचा विद्यार्थी आहे. अभियांत्रिकी आणि वैद्यकीय प्रवेश परीक्षांच्या तयारीसोबत विविध ऑलिंपियाड परीक्षांची तयारी करवून घेतली जाते.’’