अयोध्येतील श्रीराम मूर्ती प्राणप्रतिष्ठा 16 निमित्त आज वडगाव शेरी परिसरात मोठ्या दिमाखात आनंदोत्सव साजरा करण्यात.जगदीश मुळीक फाउंडेशन च्या वतीने वडगाव शेरी येथील छत्रपती शिवाजी महाराज पुतळा चौकात मोठा दिमाखदार सोहळ्याचे आयोजन करण्यात आले होते. यानिमित्त चौकात चारही दिशांनी फुलांची आणि पताकांची सजावट करण्यात आली होती. भाजपाचे माजी शहराध्यक्ष जगदीश मुळीक आणि माजी नगरसेवक योगेश मुळीक यांच्या प्रमुख उपस्थितीत सायंकाळी महाआरती करण्यात आली. यावेळी उपस्थित शेकडो नागरिकांनी जय श्रीराम घोषणेने परिसर दणाणून सोडला. यावेळी प्रभू श्रीराम यांची महती सांगणाऱ्या भक्ती गीतांचा कार्यक्रम आयोजित करण्यात आला होता. नेत्र सुखद विद्युत रोषणाई आणि फटाक्यांच्या आतषबाजीने संपूर्ण परिसर उजळून निघाला.

वडगाव शेरी निलेश अंगण सोसायटी समोरील शिवदत्त प्रतिष्ठानच्या दत्त मंदिरात आकर्षक विद्युत रोषणाई आणि पताकांची सजावट करण्यात आली होती. येथे सायंकाळी दिपोत्सवही पार पडला. राहुल दळवी, संतोष जाधव आदि यावेळी उपस्थित होते.सोपाननगर येथील शिवसाई प्रतिष्ठानने आकर्षक विद्युत रोषणाई आणि श्रीरामाच्या भक्ती गीतांनी आनंद उत्सव साजरा केला. खराडी येथील गंगा कॉन्स्टेला सोसायटीमध्ये नागरिकांनी भव्य अशी रांगोळी रेखाटून जय श्रीराम नावावर दिवे प्रज्वलित करून दीपोत्सव साजरा केला.

खराडी येथील सकल हिंदू समाज बिडी कामगार वसाहत येथे श्रीराम मूर्ती प्राणप्रतिष्ठान सोहळा निमित्त आनंद उत्सव साजरा करण्यात आला. रांगोळीच्या पायघड्यांनी आणि पताकांच्या सजावटीने संपूर्ण परिसर भक्तीमय वातावरण भाविकांनी अनुभवले .

वडगाव शेरी येथे शिवसेना (शिंदे गट) यांनी आरोग्य शिबिराचे आयोजन केले होते. विमान नगर येथील दत्त मंदिर चौकातही प्राणप्रतिष्ठा सोहळ्यानिमित्त आनंद उत्सव साजरा करण्यात आला. चौक चारही दिशांनी सजवण्यात आला होता. जय श्रीराम लिहिलेल्या भगवा पताका यामुळे चौकात भक्तीमय वातावरण निर्माण झाले होते.

वडगाव शेरी येथील श्रीकृष्ण प्रतिष्ठान यांनी चौकात रांगोळीच्या पायघड्या घालून आणि दीपोत्सव साजरा केला. चौक चारही बाजूने सजवण्यात आला होता.