पुणे - 'मनी माफिया' या वेब सिरीजमध्ये अरुण गवळी यांच्या बद्दल आक्षेपार्ह चित्रीकरण केल्या प्रकरणी अमेझॉन , व्हॉईस मीडिया आणि डिस्कवरीला कायदेशीर नोटीस बाजवण्यात आली आहे. या वेब सिरीजमध्ये अरुण गवळी यांचा उल्लेख करताना परवानगी घेतली नसल्याचा दावाही, करण्यात आला आहे.

दरम्यान अमेझॉन, व्हॉईस मीडिया आणि डिस्कवरी यांनी बिनशर्त माफी मागावी आणि अरुण गवळी यांचा उल्लेख काढून टाकावा अशी मागणी नोटीसद्वारे करण्यात आली आहे. नोव्हेंबर महिन्यातच मनी माफिया ही वेब सिरीज रिलीज झाली आहे.

मुलाच्या लग्नासाठी अरुण गवळी पॅरोलवर बाहेर आले होते. त्यांनी ही बाब लक्षात येताच त्यांनी वकिलामार्फत अमेझॉन, व्हॉईस मीडिया आणि डिस्कवरीला कायदेशीर नोटीस पाठवली.

आशिष पाटणकर आणि प्रतीक राजोपाध्ये यांच्या मार्फत ही नोटीस पाठवण्यात आली असून प्रतीक राजोपाध्ये हे पुण्यातील वकील आहेत.