Hadapsar: संत तुकाराम महाराज पालखी सोहळ्यातील वारकरी महिला कमल सोपानराव बोरकर (वय ६५) यांचे सोमवारी (ता.१५) अकलुज जवळील तोंडले-बोंडले गावी ह्रदयविकाराने निधन झाले. त्यांच्यामागे पती, मुलगा, मुलगी व सून नातवंडे असा परिवार आहे.
मूळचे नारायणपूरचे असलेले बोरकर यांचे कुटुंब नोकरीनिमित्त हडपसर, पंधरानंबर येथे राहत आहे. त्या पालखी सोहळ्यातील सत्संग दिंडी क्रमांक २२ मधून पायी वारीत सहभागी झाल्या होत्या. गेली पंधरा वर्षांपासून त्या पायी वारी करीत आहेत.
येथील श्री गुरूदत्त भजनी मंडळाच्या त्या अध्यक्षा होत्या. विविध धार्मिक कार्यक्रमात त्यांचे भजनीमंडळ भजनसेवा देत आहे. दरवर्षी हडपसर येथील पालखी विसावास्थळी त्यांची भजनसेवा असते.
याही वर्षी येथे भजनसेवा देवून त्या दींडीसोहळ्यात सहभागी झाल्या होत्या. एकादशीला दोन दिवस बाकी असतानाच त्यांचे निधन झाल्याने त्यांचे कुटुंब व सहकारी वारकऱ्यांनी हळहळ व्यक्त केली. हडपसर परिसरातील त्यांच्या सहकाऱ्यांनीही हळहळ व्यक्त केली. प्रशांत बोरकर हे त्यांचे पुत्र होत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.