कुरकुंभ - मळद (ता. दौंड) येथील तलावात कुरकुंभ औद्योगिक वसाहतीतील कंपन्यांनी रसायनमिश्रित सांडपाणी सोडले आहे. गेल्या काही दिवसांपासून तलाव भरून वाहत असल्याने ओढ्याद्वारे हे रसायनमिश्रित सांडपाणी उजनी धरणात जात आहे. 

ताज्या बातम्यांसाठी डाऊनलोड करा ई-सकाळचे ऍप

कुरकुंभ औद्योगिक वसाहतीतील कंपन्यांचे रसायनमिश्रित सांडपाणी ओढ्याद्वारे चार किलोमीटर अंतरावरील मळद तलावात जमा झाले आहे. हा तलाव तुडुंब भरून वाहू लागला की, हे रसायनमिश्रित सांडपाणी ओढ्याद्वारे मळद, रावणगाव, नंदादेवी, स्वामी चिंचोली येथील ओढ्याद्वारे भिगवण (ता. इंदापूर) येथील उजनी धरणाच्या पाण्यात मिसळते.

शरद पवार साहेबांची भेट झाली म्हणजे माझी बावीस वर्षांची तपश्‍चर्या सार्थकी लागली

मळद येथील तलावातील पाण्याला उग्र वास, काळसर पाणी, पाण्यात पाय बुडवल्यास त्वचेला खाज सुटणे आदी त्रास सहन करावा लागतो आहे. कुरकुंभ औद्योगिक वसाहतीत कंपन्यांकडून प्रक्रिया न करता सोडत असलेल्या रसायनमिश्रित सांडपाण्यासंदर्भात ठोस कारवाई व उपाययोजना न केल्यास हाच त्रास भविष्यात उजनी परिसरातील लोकांनाही होण्याची शक्‍यता नाकारता येत नाही.

‘आयटी पार्कची कोंडी कशामुळे?’

रसायनमिश्रित सांडपाण्यामुळे पांढरेवाडी, कुरकुंभ, मळद परिसरातील पाण्याचे स्रोत दूषित झाले आहेत. भविष्यात प्रदूषित पाणी वाहून जाणाऱ्या ओढ्यालगतच्या रावणगाव, नंदादेवी, खडकी, स्वामी चांदोली, भिगवण व धरण परिसरातील अनेक गावांचे पाणी स्रोत आणखी दूषित होण्याची शक्‍यता आहे. कुरकुंभ येथील कंपन्यांच्या घातक रसायनमिश्रित सांडपाण्यामुळे जमिनीतील पाण्याचे स्रोत दूषित होण्याची व्याप्ती चार-पाच किलोमीटरपर्यंत होती. ती आता मळद तलावातून २३ किलोमीटरवरील भिगवण येथील उजनी धरणात मिसळत असल्याने भविष्यात दूषित पाण्याची व्याप्ती आणखी वाढण्याची शक्‍यता आहे. उजनीतील मासे व इतर जीवसृष्टीचे अस्तित्व धोक्‍यात येण्याची शक्‍यता निर्माण झाली. त्यामुळे सरकारने त्वरित ठोस पावले उचलून कुरकुंभ औद्योगिक वसाहतीतील कंपन्यांकडून होणारे जलप्रदूषण थांबवावे, अशी मागणी होत आहे.