Pune News : सिंहगड रस्त्यावरील आनंदनगर भागात झालेल्या घरफोडीच्या गुन्ह्यातील सराईत गुन्हेगारांना पोलिसांनी अटक केली. सिंहगड रस्ता पोलिसांनी आरोपींच्या ताब्यातून १९ लाख ५० हजार रुपयांचे सोन्याचे दागिने आणि इतर मुद्देमाल जप्त केला आहे.
संकेत प्रकाश निवंगुणे (वय २३, रा. बानगुडे चाळ संघर्ष चौक, वारजे माळवाडी) आणि सूरज शिवाजी भरडे (वय २४, रा. शिवसाईनगर, सुतारदरा, कोथरूड) अशी अटक केलेल्या संशयितांची नावे आहेत.
पोलिसांनी दिलेल्या माहितीनुसार, २८ एप्रिल रोजी आनंदनगरमधील संतोष हॉलजवळ मधुरा बंगला सफलानंद सोसायटीमध्ये घरफोडी झाली होती. याबाबत सिंहगड रस्ता पोलिस ठाण्यात गुन्हा दाखल केला होता. या घरफोडीत चोरीस गेलेल्या मुद्देमालापैकी ३७ तोळे वजनाचे सोने, हिरे, पाचू आणि दुचाकी जप्त करण्यात आली आहे.
पोलिस आयुक्त अमितेश कुमार, सहआयुक्त प्रवीण पवार, अतिरिक्त आयुक्त प्रवीणकुमार पाटील, परिमंडळ तीनचे पोलिस उपायुक्त संभाजी कदम आणि सहाय्यक आयुक्त भीमराव टेळे यांच्या मार्गदर्शनाखाली वरिष्ठ निरीक्षक विजय कुंभार, पोलिस निरीक्षक (गुन्हे) राघवेंद्रसिंह क्षीरसागर, सहाय्यक निरीक्षक सचिन निकम, पोलिस उपनिरीक्षक संतोष भांडवलकर, पोलिस कर्मचारी आबा उतेकर, संजय शिंदे, उत्तम तारू, राजू वेगरे, विकास बांदल, देवा चव्हाण, राहुल ओलेकर, सागर शेडगे, अमोल पाटील आदींनी ही कारवाई केली.
- सोने-चांदीचे दागिने, मौल्यवान वस्तू घरी न ठेवता बँकेतील लॉकरमध्ये ठेवाव्यात.
- बाहेरगावी जाताना शेजाऱ्यांना माहिती द्यावी
- सोसायटी आणि सदनिकेच्या परिसरात सीसीटीव्ही बसवावेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.