पुणे : एक डॉक्‍टर शेकडो कोरोना बाधितांना वाचवू शकतो, पण तोच डॉक्‍टर आजारी पडला तर. कल्पनाच नको. कोरोना विरुद्धच्या लढ्यामध्ये डॉक्‍टर आणि वैद्यकीय कर्मचाऱ्यांचे अनन्यसाधारण महत्त्व आहे. प्रत्यक्ष कोविड-19शी दोन हात करणाऱ्या या कर्मचाऱ्यांची सुरक्षा कशी असावी, त्यासंबंधी आरोग्य विभागाची मार्गदर्शक तत्त्वे आणि प्रशासन काय याचा घेतलेला आढावा. 

ताज्या बातम्यांसाठी डाऊनलोड करा ई-सकाळचे ऍप

वैद्यकीय कर्मचारी महत्त्वाचे का? 
- कोरोना बाधितांशी प्रत्यक्ष संपर्कामुळे संसर्गाचा सर्वाधिक धोका 
- रुग्णांच्या वाढत्या संख्येला आरोग्य सुविधा पुरविण्यासाठी पुरेशा डॉक्‍टरांची संख्या गरजेची 
- दुर्लक्षामुळे कोरोना बाधितांची वाढती संख्या आणि वैद्यकीय कर्मचाऱ्यांची घटती संख्या धोकादायक 
- संसर्ग झाल्यास वैद्यकीय कर्मचाऱ्यांना 14 दिवस विलगीकरणात रहावे लागते, अशा कालावधीत हे धोकादायक 
- कोरोना विरुद्धच्या लढाईत डॉक्‍टरच आपले सैनिक 

Video : आठ बाय आठ फुटांच्या खोलीत, कसं पाळायचं डिस्टंसिंग?

केंद्रीय आरोग्य मंत्रालयाची मार्गदर्शक तत्त्वे: 
केंद्र सरकारच्यावतीने डॉक्‍टर आणि वैद्यकीय कर्मचाऱ्यांची सुरक्षा आणि व्यवस्थापन सुनिश्‍चित करण्यासाठी राज्यांना मार्गदर्शक सूचना जारी करण्यात आल्या आहे. 

1) कर्मचारी व्यवस्थापन: 
- प्रत्यक्ष कोविड-19 च्या संपर्कातील वैद्यकीय कर्मचारी आणि इतर सुविधा पुरविणारे स्वयंसेवक यांची विभागणी करत कार्यनिश्‍चिती करावी 
- राष्ट्रीय स्तरावरील तज्ज्ञांचा गट (ग्रुप 4) व्यवस्थापना संदर्भात राज्यांना मार्गदर्शन करेल. संबंधित कर्मचाऱ्यांचा डेटाबेस तयार करावा 
- निवासी, पदव्युत्तर शिक्षण घेणाऱ्या नर्सिंगच्या विद्यार्थ्यांचा रुग्णालय व्यवस्थापनासाठी वापर व्हावा 

2) आरोग्य सुरक्षा 
- भारतीय वैद्यक संशोधन परिषदेच्या (आयसीएमआर) वतीने हायड्रॉक्‍सी क्‍लोरोक्विनचा रोगप्रतिबंधक औषध म्हणून लक्षण दिसणाऱ्या वैद्यकीय कर्मचाऱ्यांसाठी वापरण्याची सूचना 
- केंद्राच्या वतीने वैयक्तिक संरक्षण उपकरणांचा (पीपीई) आणि एन-95 मास्क पुरवठा राज्यांना करण्यात येणार 
- लक्षण दिसल्यास वैद्यकीय कर्मचाऱ्यांची तातडीने कोविड चाचणी करावी 
- कोविड रेड क्‍लस्टरच्या व्यवस्थापनासाठी उच्च स्तरीय तज्ज्ञांची समिती पुरवणार 

3) मानसिक व्यवस्थापन 
- वैद्यकीय कर्मचाऱ्यांचे मानसिक आरोग्य सुदृढ राहण्यासाठी मार्गदर्शन पुरविण्यात येणार 
- त्यासाठी 08046110007 हा टोल फ्री क्रमांक उपलब्ध करण्यात आला आहे. 
- वैद्यकीय कर्मचाऱ्यांच्या ताणतणावाचे व्यवस्थापन प्रशिक्षणाच्या माध्यमातून करण्यात यावे 

Coronavirus : पुण्यातून कोरोनाचा होऊ शकतो नायनाट; पण...

वैद्यकीय कर्मचाऱ्यांसाठी हे कराच... 
1) प्रत्यक्ष कामावरील सुरक्षा: 
- पीपीई कीट, वैद्यकीय साहित्याचे जागतिक आरोग्य संघटनेच्या मार्गदर्शक तत्त्वाच्या आधारे योग्य वितरण आणि पुरवठा 
- कोविड रुग्णाचा प्रत्यक्ष संपर्क टाळण्यासाठी उपकरणांचे आणि उपचाराचे डिजीटलायझेशन 

2) अधिकचा तान कमी करा: 
- शहरातील वैद्यकीय कर्मचाऱ्यांच्या संख्या, वेळ आणि कौशल्याचे योग्य व्यवस्थापन करत त्यांच्यावरील ताणतणावाचे व्यवस्थापन करावे. 
- कर्मचाऱ्याला सुविधेबरोबरच त्याच्या कुटुंबातील सदस्यांच्या सुरक्षेसाठी उपाययोजना (उदा. बालसंगोपन आणि वृद्धांसाठी केअरटेकर) 

3) मनोबल वाढवा: 
- वैद्यकीय कर्मचाऱ्यांशी निगडित कोणत्याही समस्येचे तातडीने निराकरण गरजेचे 
- त्यांचे मनोबल उंचावण्यासाठी समाजातील मान्यवरांसह सामान्यांनी पुढाकार घ्यावा 
- रुग्णालयातील जास्तीत जास्त कर्मचाऱ्यांचे संरक्षण करा 

पुण्याच्या इतर बातम्या वाचण्यासाठी येथे क्लिक करा 

आकडे बोलतात.. 
1) केंद्र सरकारच्या वतीने 20 एप्रिलपर्यंत पुरवण्यात आलेली साहित्य 
- वैयक्तिक संरक्षण साहित्य (पीपीई): 5.11 लाख 
- एन-95 मास्क: 30.32 लाख 

2) राज्यांकडे आधी उपलब्ध साठा: 
- पीपीई किट: 2.75 लाख 
- एन-95 मास्क: 16.67 लाख 
 
3) आरोग्य विमा: 
प्रधानमंत्री गरीब कल्याण योजने अंतर्गत 22.12 लाख वैद्यकीय कर्मचाऱ्यांना प्रत्येकी 50 लाखाचे विमा संरक्षण. प्रिमीयम सरकार भरणार. 

ठरलं : पुण्यात विद्यापीठ चौकातील उड्डाणपूल पाडणार