पुणे

धनश्रीचे कुटुंब सांभाळण्याचे स्वप्न राहिले अधुरे

सकाळ वृत्तसेवा

पुणे : पगार वाढून मिळत असल्याने पुतणी पिरंगुटमधील एसव्हीएस कंपनीत रुजू झाली. सोमवारी तिचा कामाचा सहावाच दिवस होता. नव्या नोकरीमुळे कुटुंबाची जबाबदारी अधिक चांगल्या पद्धतीने सांभाळता येईल, असे तिचे स्वप्न होते. मात्र ते अधुरेच राहिले, अशी माहिती धनश्री शेलार यांचे चुलते बाजीराव शेलार यांनी दिली.

२२ वर्षीय धनश्री या एसव्हीएस कंपनीत लागलेल्या आगीत मृत्यू झालेल्यांपैकी एक. घरातील मोठी मुलगी या नात्याने त्या नोकरीतून मिळणाऱ्या उत्पन्नावरच कुटुंबाचा खर्च भागवत होत्या. गेल्या दोन वर्षांपासून त्या पिरंगुट येथे चुलते बाजीराव शेलार यांच्याकडे राहत होत्या. सहाच दिवसांपूर्वी त्या एसव्हीएसमध्ये रुजू झाल्या होत्या. एक छोटी बहीण आणि आर्इ-वडील असे धनश्री यांचे कुटुंब त्यांच्या मुळ गावी साताऱ्यात राहते. त्यांचे वडील शेती करतात. मात्र त्यातून मिळणारे उत्पन्न तुटपुंजे असल्याने धनश्री यांच्या नोकरीचा त्यांना मोठा आधार होता. तसेच घराच्या निर्णय प्रक्रियेत देखील त्यांचा मोठा सहभाग असे. मात्र आता त्यांच्या कुटुंबाचा हा आधार कायमचा तुटला आहे.

शेलार यांनी सांगितले की, माझ्या मोठ्या भावाला दोन मुली आहेत. त्यातील धनश्री ही मोठी मुलगी. तिचे शिक्षण बीएससी झाले होते. कुटुंबाची जबाबदारी तिच्यावरच होती. ती गेल्या दोन वर्षांपासून पुण्यात माझ्याकडे राहायला होती. एसव्हीएसला जॉर्इन होण्यापूर्वी ती पौड रस्त्यावर असलेल्या एका खासगी कंपनीत कामाला होती. तिचा आधार गमावलेल्या भावासह आमच्या कुटुंबावर मोठे संकट कोसळले आहे.

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Viral Video: पुण्यात भयंकर प्रकार, भरदिवसा बंदूक नाचवत तरुणांचा राडा; पाहा व्हिडिओ

Cash Seized: निवडणुकीच्या धामधुमीत पावणेदोन कोटींवर मुद्देमाल जप्त; 80 लाखांचे अमली पदार्थ तर 27 लाखांच्या दारूचा समावेश

IND vs NZ: जसप्रीत बुमराहला मुंबई कसोटीतून का बाहेर केलं? BCCI ने सांगितलं खरं कारण

तब्बल ५ वर्षांनी स्टार प्रवाहची लोकप्रिय मालिका घेणार निरोप; अभिनेत्यानेच पोस्ट करत सांगितलं, म्हणाला- आता लवकरच...

Vidhansabha Nivadnuk 2024: काका-पुतणे झाले, आता महाराष्ट्र पाहणार मामा-भाच्याची लढत; कुठे रंगणार सामना? कोण मारणार बाजी?

SCROLL FOR NEXT