पुणे : खरीप हंगामात शेतकऱ्यांना बँकांकडून पीककर्जाचे वाटप वेळेत होण्यासाठी सर्व जिल्हाधिकाऱ्यांनी दक्षता घ्यावी, अशी सूचना विभागीय आयुक्त डॉ. दीपक म्हैसेकर यांनी केली.

विभागीय आयुक्त कार्यालयात खरीप 2020-21 या वर्षातील खरीप हंगाम कर्ज वाटप आणि मान्सून कालावधीत धरणामधील पाण्याचे नियोजन, उपाययोजना याबाबत विभागीय आयुक्त डॉ. म्हैसेकर यांच्या अध्यक्षतेखाली व्हिडीओ कॉन्फरन्सद्वारे आढावा बैठक घेण्यात आली. 

- महावितरणकडून आवाहन, पावसाळ्यात अशी घ्या काळजी

डॉ. म्हैसेकर म्हणाले, 'जिल्ह्यांमध्ये महात्मा ज्योतीराव फुले शेतकरी कर्ज मुक्ती योजना 2019 योजनेतील पात्र खातेदारांच्या यादीतील खाती निरंक झालेल्या आणि न झालेल्या शेतकऱ्यांना खरीप हंगामाध्ये पीक कर्ज देण्याबाबतचा शासन निर्णय जारी केला आहे.

त्यानुसार पुणे, कोल्हापूर, सातारा, सांगली आणि सोलापूर या पाचही जिल्ह्यांतील जिल्हा सहकारी मध्यवर्ती बँका, राष्ट्रीयकृत बँका तसेच खाजगी व ग्रामीण भागातील बँकांनी पीक वेळेत पीक कर्जाचे वाटप करावे. तसेच, सर्व जिल्हाधिकाऱ्यांनी कमी प्रमाणात कर्ज वाटप असलेल्या बँकांचा विशेष आढावा घेवून उद्दिष्ट पूर्ण करावे.' 

- आधीच कडकी त्यात इंधन दरवाढीने भरतीय धडकी; सलग बाराव्या दिवशी इंधन दरवाढ

गतवर्षी विभागात सांगली व कोल्हापूर जिल्ह्यात गंभीर पूर परिस्थिती उद्भवली होती. या पार्श्वभूमीवर येथील जिल्हाधिकारी यांनी धरणांचे स्ट्रक्चरल ऑडिट पूर्ण करुन घ्यावे. विभागातील पाचही  जिल्ह्यांच्या खरिप हंगाम कर्ज वाटपाचा जिल्हानिहाय आढावा घेतला. शेतकऱ्यांना बी-बियाणे आणि खतांचा तुटवडा भासणार नाही, यासाठी आवश्यक ती खबरदारी घ्यावी, अशा सूचना त्यांनी दिल्या.

- बातम्या ऐकण्यासाठी डाऊनलोड करा ई-सकाळचे ऍप 

- पुण्याच्या बातम्या वाचण्यासाठी येथे ► क्लिक करा