पिंपरी (पुणे) : अंगातील भूत काढण्यासाठी सासरच्या मंडळींनी सुनेला मारहाण केली. तसेच नशा येणारे द्रव्य जबरदस्तीने पाजून अंगात भुत असल्याचा व्हीडिओ काढल्याचा प्रकार चिंचवडमधील गांधी पेठेत घडली. 

या प्रकरणी ३० वर्षीय पीडित महिलेने चिंचवड पोलिस ठाण्यात फिर्याद दिली दिली. त्यानुसार, पती परवेश शहा, सासरे बाबूमिया शहा, दिर शबाब शहा, तसेच सासू, जाऊ व मोठी नणंद यांच्याविरोधात चिंचवड पोलिस ठाण्यात गुन्हा दाखल झाला आहे. 

पोलिसांनी दिलेल्या माहितीनुसार, पीडित महिला पतीसह राहण्यास होती. त्यांच्यासोबत सासू-सासरे, दिर, जाऊ हे देखील राहण्यास होते. तर नणंद मुंबईमधून चिंचवड येथे आली होती. या सर्वांनी मिळवून अंधश्रद्धेपोटी अंगातील भूत काढण्यासाठी सुनेला मारहाण करत तिला नशा येणारे द्रव्य जबरदस्तीने पाजले. त्याचा त्यांनी व्हिडिओ देखील तयार केला. तीची माहेरची परिस्थिती गरीब असतानाही सासरच्यांनी वारंवार पैसे घेतले. तसेच शारीरिक आणि मानसिक छळ करत क्रुर वागणूक दिले. असे पीडितेने तक्रारीत म्हटले आहे.