पुणे : फर्ग्युसन रस्त्यावर 'थर्टीफस्ट' आणि "न्यू इअर' तोंडावर थाटलेल्या नव्या आणि काही जुन्या बेकायदा स्टॉलधारकांना हटवून या रस्त्यालगतचे पदपथ महापालिकेने शुक्रवारी मोकळा केला. खाद्यपदार्थांच्या हातगाड्यांसह सर्वच स्टॉल गुंडाळून ते ताब्यात घेण्यात आले. या पुढे रस्ता आणि पदपथावर अतिक्रमणे केल्यास फौजदारी गुन्हे दाखल करण्याचा दमही व्यावसायिकांना भरला आहे.

ताज्या बातम्यांसाठी डाऊनलोड करा ई-सकाळचे ऍप

या कारवाईत राजकीय आणि अन्य लोकांकडून हस्तक्षेप होऊ नये, यासाठी महापालिकेच्या अतिक्रमण विभागाचे प्रमुख माधव जगताप यांनी स्वत: हजर राहून ही कारवाई केली. या कारवाईमुळे भेदरलेल्या व्यावसायिकांनी पळापळ केल्याने ऐन सायंकाळी म्हणजे, लोकांची वर्दळ असतानाच फर्ग्युसन रस्त्यावर गोंधळ उडाला. या रस्त्यावररील पदपथावर दोन्ही बाजूने बेकायदा व्यावसायिकांनी आपली दुकाने उभारली आहेत. त्यामुळे लोकांना प्रामुख्याने महिला आणि ज्येष्ठ नागरिकांना पदपथावरून पायी जाणे अशक्‍य झाले आहे. त्यातच काही व्यावसायिक अरेरावी करीत असल्याच्या तक्रारी महापालिकेकडे आल्या होत्या. त्यावरून दुकाने उभारण्याच्या वेळी म्हणजे, सायंकाळीच ही कारवाई झाली.

सत्तेची रस्सीखेच आणि नात्याचा जिव्हाळा म्हणजेच धुरळा !

दरम्यान, अशा प्रकारची कारवाई अनेकदा झाली आहे. मात्र, त्यानंतरही दुकानदारांनी आपले बस्तान बसविले होते. त्यामुळे ही कारवाई ही फक्त सोपस्कार राहणार की खऱ्याअर्थाने अतिक्रमणमुक्तीची राहणार असा प्रश्‍न आहे.