गराडे : पुणे जिल्हा पोलीस अधीक्षक डॉ. अभिनव देशमुख व भोर-पुरंदर उपविभागीय पोलीस अधिकारी धनंजय पाटील यांनी मागील महिन्यात कार्यभार स्विकारल्यानंतर जिल्ह्यातील अवैध सावकारी विरोधात मोहीम राबवण्याचे सुतोवाच केले होते. त्याला पुरंदर तालुक्यात बुधवार (ता. २३) रोजी सुरवात झाली.

- ताज्या बातम्यांसाठी डाऊनलोड करा ई-सकाळचे ऍप

दिवे (ता. पुरंदर) येथे उसने दिलेल्या पैशाच्या बदल्यात जादा रक्कमेची मागणी करुन दमदाटी करत जमीन बळकवण्याची तक्रार दाखल करण्यात आली. त्यामुळे पुंरदर तालुक्यात सावकारकीचा पहिला गुन्हा दाखल झाला आहे.

सासवड पोलिसांनी दिलेल्या माहितीनुसार फिर्यादी शंकर सोपान टिळेकर (वय ४५) धंदा ः शेती, (रा. दिवे, भापकरमळा, जुना जेजूरी रोड ता. पुरंदर) यांनी तक्रार दाखल केली आहे. दिवे येथीलच रहिवासी मारूती रामचंद्र औताडे याने मागील नोव्हेंबर २०१९ पासून ते (२१/१२/२०२० रोजीपर्यंत) त्याचेकडे सावकारकी करण्याचे लायसन्स नसताना फिर्यादी यांना उसने दिलेले १० लाख रूपयाच्या मोबदल्यात फिर्यादी यांची जमीन गट नं. १५६ मधील १५ गुंठ्ठे जमीन ( किंमत ५७,००,००० ) रूपयेची खरेदी करून घेतली व परस्पर जमीन लहूजी गंगाराम भापकर यांना विक्री केली आहे.

कडाक्‍याच्या थंडीतही आंदोलनाची धग कायम; पुणे विद्यापीठात विद्यार्थ्यांचं आंदोलन सुरूच!

जमीन परत मागितली असता दमदाटी व व्याजासह ५५ लाख रूपयांची मागणी केली. म्हणून फिर्यादी शंकर सोपान टिळेकर यांनी मारूती रामचंद्र औताडे यांच्या विरूध्द पोलिसांनी महाराष्ट्र अधिनियम सावकारी कलम ३९, ४३,४५,२४,३१ याप्रमाणे तक्रार दाखल केली आहे. भोर-पुरंदरचे उपविभागीय पोलीस अधिकारी धंनजय पाटील यांच्या कार्यालयात फिर्यादी यांनी सर्व हकीकत व माहिती दिल्यानंतर सासवड पोलीस स्टेशनमध्ये गुन्हा दाखल करण्यात आला. पुणे जिल्हा पोलीस अधीक्षक डॉ. अभिनव देशमुख व धनंजय पाटील यांच्या मार्गदर्शनाखाली सासवड पोलीस स्टेशनचे पोलीस निरीक्षक अण्णासाहेब घोलप काम करत आहेत. 

- पुण्याच्या बातम्या वाचण्यासाठी येथे ► क्लिक करा

आमच्या चालू असलेल्या सावकारी विरोधात मोहीमेअंतर्गत आमच्या ऑफिसला येवून फिर्यादीने सर्व प्रकाराची माहिती दिली होती. त्याची खात्री करुन आज पुंरदर तालुक्यात सावकारकीचा पहिला गुन्हा दाखल झालेला आहे. तरी अशा प्रकारे सावकारीच्या संदर्भाने कोणताही त्रास होत असेल तर आम्हाला संर्पक करा व त्याची माहीती द्या. माहितीची खात्री करुन त्यावर योग्य ती कायदेशीर कारवाई करण्यात येईल.-धंनजय पाटील, उपविभागीय पोलीस अधिकारी भोर विभाग

(संपादन : सागर डी. शेलार)