मंचर : “एकात्मिक आदिवासी विकास प्रकल्प घोडेगांव (ता. आंबेगाव) यांच्यावतीने सैन्य व पोलीस भरतीपुर्व प्रशिक्षण केंद्र नागापुर (ता. आंबेगाव) येथे अनुसुचित जमातीच्या इ. १२ वी उत्तीर्ण उमेदवारांना (पुरुष) मोफत प्रशिक्षण दिले जाणार आहे.

सदर प्रशिक्षणाकरीता रविवार (ता.३०) पर्यंत मुदत वाढविण्यात आली आहे. गरजू उमेदवारांनी प्रशिक्षण सत्राचा लाभ घ्यावा.” असे आवाहन घोडेगाव एकात्मिक आदिवासी विकास प्रकल्पाचे प्रकल्प अधिकारी बळवंत गायकवाड यांनी केले.

ते म्हणाले, “पूर्वी प्रशिक्षणासाठी अर्ज करण्याची मुदत गुरुवार (ता. २०) पर्यत होती. पण सदर योजनेला अल्प प्रतिसाद असल्याने सदर योजनेचे अर्ज घेण्याची मुदत वाढ देण्यात आली आहे. सदर प्रशिक्षण केंद्र हे सन 2023-24 या वर्षामध्ये नुक्लिअस बजेट योजनेतुन राबविण्यात येत आहे. सदर प्रशिक्षणाची बॅच मे 2023 पासुन सुरु होणार आहे.

जास्तीत जास्त अनुसुचित जमातीच्या उमेदवारांनी प्रशिक्षण सत्राचा लाभ घ्यावा. प्रवेश अर्ज एकात्मिक आदिवासी विकास प्रकल्प घोडेगांव या कार्यालयास विनामुल्य उपलब्ध आहेत. तेथेच अर्ज जमा करावेत.