पुणे, ता. 8 : येरवडा कारागृह वसाहतीकडे कारमधून जात असताना चेकपोस्टवर अडवले म्हणून कारागृहातील दोन कर्मचाऱ्यांत फ्रिस्टाईल हाणामारी झाली. चेकपोस्टवर नियुक्तीस असलेल्या पोलिस शिपायाचा हात या हाणामारीत फ्रॅक्चर झाला आहे. सोमवारी रात्री हा प्रकार घडला.

राजेंद्र खैरनार यांनी याबाबत फिर्याद दिली आहे. त्यानुसार प्रेमनाथ यांच्याविरोधात येरवडा पोलीस ठाण्यात गुन्हा दाखल करण्यात आला आहे. 

चक्क मुख्याध्यापकांच्या वेतनातूनच कापले विद्यार्थ्यांच्या बूट-मोजे, टाय-बेल्टचे...
फिर्यादी हे येरवडा मध्यवर्ती कारागृह येथे पोलीस शिपाई म्हणून कार्यरत आहेत. त्यांना सोमवारी रात्री येरवडा कारागृह वसाहतीकडे जाणाऱ्या रस्त्यावर चेकपोस्ट येथे बंदोबस्तासाठी तैनात केले होते. सोमवारी रात्री सव्वा आठ वाजण्याच्या सुमारास कारागृहातील कर्मचारी प्रेमनाथ हा कारमधून वसाहतीकडे जात असताना फिर्यादी खैरनार यांनी कार अडविली. त्यामुळे प्रेमनाथ याने चेकपोस्टवर गाड्या का अडवितात असे बोलून फिर्यादीला शिवीगाळ केली. तसेच लाथाबुक्क्यांनी मारहाण केली. या हाणामारीत फिर्यादीचा उजवा हात फ्रॅक्चर झाला आहे. तर चेहऱ्यावर जखम झाली आहे. पुढील तपास पोलिस उपनिरीक्षक दिनेश गुर्जर करीत आहेत.