आगामी लोकसभा निवडणुकीच्या अनुषंगाने सर्वच राजकीय पक्षांनी तयारी सुरू केली आहे. राज्यातील सर्व जागांसाठी महायुती आणि महाविकास आघाडी यांच्यामध्ये रस्सीखेच सुरू झाली आहे. जागावाटपाबाबत पक्षांनी चर्चा सुरू केल्या आहेत. तर गेल्या काही दिवसांपासून राज्यातील मतदारसंघावर दावा सांगण्यास सुरूवात झाली आहे. अशातच पुणे लोकसभेच्या जागेवर काँग्रेस पक्षाने दावा सांगितल्याच्या चर्चा सुरू आहेत.
लोकसभा निवडणुकीसाठी पुण्यातून आमदार रवींद्र धंगेकर इच्छुक असल्याची माहिती समोर आली आहे. दिल्लीत वरिष्ठ नेत्यांकडे त्यांनी याबाबतची इच्छा व्यक्त केली आहे. आज दिल्लीत लोकसभा समन्वयकांची बैठक पार पडली. या बैठकीसाठी रवींद्र धंगेकर आज दिल्लीत आहेत.
आज काँग्रेस मुख्यालयात भेट घेवून त्यांनी इच्छा व्यक्त केली आहे. दिल्लीत भेट घेतल्याने रवींद्र धंगेकर लोकसभा निवडणुकीच्या कामाला लागणार आहेत. काँग्रेसचे वरिष्ठ नेते पुण्यात येणार आहेत.
तर जागावाटपाबाबत बोलताना राष्ट्रवादीचे अध्यक्ष शरद पवार यांनी लोकसभेत आज काँग्रेसच्या जागा जास्त आहेत; काँग्रेस जास्त जागांवर जिंकूही शकते, असं म्हटलं होतं. त्यामुळे जागावाटपाबाबत चर्चा झाल्यानंतर पुणे लोकसभेच्या जागेवर काँग्रेसला संधी मिळण्याची शक्यता आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.