पुणे : तीन महिन्यांपूर्वी आंबिल ओढ्याच्या पुरात वाहून आलेला गाळ मित्रमंडळ चौकातील महापालिकेच्या बाळासाहेब ठाकरे रुग्णालयाच्यामागे टाकण्यात आला आहे.तो अद्यापही तेथेच पडून असून परिसरात दुर्गंधी पसरत आहे. 
सप्टेंबरमध्ये आंबिल ओढ्याला आलेल्या पुरामुळे अरण्येश्‍वरनगर, पर्वती, फुलपाखरू उद्यान, आबा बागूल उद्यान आणि मित्रमंडळ चौक येथे साचलेला गाळ महापालिकेकडून बाळासाहेब ठाकरे रुग्णालयाच्या पाठीमागे टाकण्यात आला. तीन महिने उलटूनही हा कचरा तिथेच पडून आहे. या रुग्णालयात रोज शेकडो रुग्ण उपचारासाठी येतात. येथे प्रसूतिगृहदेखील आहे. या कचऱ्यामुळे परिसरात दुर्गंधी पसरली आहे. डासांचा प्रार्दुभावदेखील वाढल्याच्या तक्रारी नागरिक करीत आहेत. ऑक्‍टोबरमध्ये महापालिकेचे अधिकारी आणि कर्मचाऱ्यांनी येथे येऊन पाहणी केली होती. हा कचरा लवकर उचलण्याचे आश्वासन त्यांनी दिले होते. परंतु अद्याप कार्यवाही झालेली नाही. 

अाणखी वाचा...http://खऱ्या प्रेमाचा शेवट कधी गोड नसतो कारण खर प्रेम कधी संपत नाही

दवाखान्यातील कर्मचाऱ्यांनी नाव न सांगण्याच्या अटीवर सांगितले की, महापालिकेला कचरा उचलण्यासाठी रुग्णालयातर्फे अर्ज केला आहे. काही दिवसांपूर्वी या ठिकाणी ओला कचरा टाकण्यात आला. दवाखान्याच्या समोरील बाजूस कचऱ्याच्या गाड्याही रिकाम्या केल्या जातात. महापालिकेच्या या ढिसाळ कारभारामुळे रुग्णांचे आणि नवजात बालकांचे आरोग्य धोक्‍यात येऊ शकते. 
संदीप करपे, किरण पाटील, सागर बाठे, अभिमन्यू मैड, रोहित आरेकर, गणेश वाघचौडे यांनी हा राडारोडा आणि गाळ लवकर उचलण्यात यावा, अशी मागणी केलेली आहे. 

``कर्मचाऱ्यांना राडारोडा आणि गाळ उचलण्याचे आदेश देण्यात येतील. लवकरच कार्यवाही केली जाईल.``
- ज्ञानेश्वर मोळक, सहायक उपायुक्त, घनकचरा व्यवस्थापन विभाग