पुणे : कंपनीच्या ग्राहकाचे परस्पर घेतलेले पैसे परत करूनही कंपनीकडून तील कर्मचाऱ्यांकडून पैशांची मागणी होत असल्याने तरुणाने गळफास घेऊन आत्महत्या केली. घोरपडी येथे गुरुवारी (ता. २८) ही घटना घडली.
आशिष व्यंकट कामनबोयना (वय १९, रा. घोरपडी गाव) असे आत्महत्या केलेल्या तरुणाचे नाव आहे. याप्रकरणी सुजाता कामनबोयना यांनी फिर्याद दिली आहे. त्यानुसार
यश ज्योती डेबीट कन्सल्टन्सी कंपनीच्या व्यवस्थापक ऐश्‍वर्या जोशी यांच्यासह पाच जणांवर मुंढवा पोलिस ठाण्यात गुन्हा दाखल करण्यात आला आहे.

फिर्यादी यांचा मुलगा आशिष हा यश ज्योती डेबीट कन्सल्टन्सी या कंपनीमध्ये कामाला होता. त्याने कंपनीच्या एका ग्राहकाचे ३० हजार रुपये परस्पर घेतले होते. याबाबतची माहिती व्यवस्थापक जोशी यांना मिळाली. दरम्यान, आशिषवर कारवाई होऊ नये, यासाठी फिर्यादी व आशिष या दोघांनी कंपनीमध्ये जाऊन तीस हजार रुपयांची रक्कम पुन्हा जमा केली होती. मात्र जोशी व त्यांच्या सहकाऱ्यांनी आशिषला कंपनीत बोलावून घेत त्याने आणखी रक्कम घेतल्याचा आरोप केला. यामुळे आशिषला मानसिक त्रास झाला. त्याला कंटाळून त्याने राहत्या घरात गळफास घेऊन आत्महत्या केली.