पुणे- लोणावळ्यातील घटनेने सगळ्यांना हादरवून सोडलं आहे. त्यानंतर भिमाशंकर अभयारण्य प्रशासन सतर्क झाल्याचं पाहायला मिळत आहे. भिमाशंकर देवदर्शन केल्यानंतर अनेक भाविक वन्यजीव पर्यटन आणि धबधब्यांवर जात असतात. पावसाळ्यामुळे भाविकांचा या ठिकाणी मोठ्या प्रमाणात ओढा असतो.

अभयारण्यात अनेक अंतर्गत निसरडे रस्ते आहेत. त्यामुळे पर्यटनासाठी जाणाऱ्यांसाठी हे धोक्याचं ठरू शकतं. अंतर्गत निसरडे रस्त्यांचा धोका लक्षात घेऊन पर्यटकांचे अपघात रोखण्यासाठी १ जुलै ते ३० सप्टेंबर पर्यत भिमाशंकर अभारण्यात पर्यटकांना प्रवेशबंदी घालण्यात आली आहे.

पर्यटकांसाठी धोकादायक ठिकाणांवर बंदी घालण्यात आली आहे. असे असताना उत्साही पर्यटकांनी त्याठिकाणी प्रवेश केल्यास वन्यजीव संरक्षक कायद्यांतर्गत त्यांच्यावर कारवाई करण्यात येणार आहे. भिमाशंकर अभयारण्य विभागाकडून याबाबत माहिती देण्यात आली आहे.

पर्यटन बंदीची ठिकाणे..

- कोंढवळ धबधबा

- चोंडीचा धबधबा

- खोपीवली क्षेत्र,

- पदरवाडी न्हाणीचा धबधबा नारीवाली सुभेदार धबधबा,

- घोंगळ घाट नाला खांडस ते भिमाशंकर मार्ग

- पदरवाडी शिडी घाट ते काठेवाडी