पारगाव - पोंदेवाडी ता. आंबेगाव ग्रामपंचायतीच्या लोकनियुक्त सरपंचपदाच्या पोटनिवडणुकीसाठी एकास एक सरळ लढत झाली राष्ट्रवादीच्या उमेदवार खरेदी विक्री संघाच्या संचालिका नीलम अनिल वाळूंज या ८२९ मते घेऊन निवडून आल्या आहे. पराभव झालेले शिवसेना शिंदे गटाचे शाखाप्रमुख गणेश टाकळकर यांना २६४ मते मिळाली.

पोंदेवाडी ग्रामपंचायतीवर आंबेगाव तालुका खरेदी विक्री संघाचे माजी अध्यक्ष अनिल वाळूंज यांच्या नेतृत्वाखाली अनेक वर्ष राष्ट्रवादीची सत्ता आहे. सरपंचपदी नीलम अनिल वाळूंज निवडून आल्यावर कार्यकर्त्यांनी जल्लोष केला यावेळी अनिल वाळुंज,सदाशिव रोडे, वसंत रोडे, माजी सरपंच जयसिंग पोंदे, उपसरपंच महेंद्र पोखरकर, माजी उपसरपंच संदीप पोखरकर, अमोल वाळुंज, कुंडलिक पोखरकर, पप्पू दौंड, अमित दौंड उपस्थित होते.