निरगुडसर : आंबेगाव तालुक्याच्या पुर्व भागातील निरगुडसर, पांढरीवस्ती, खडकी, भराडी परीसरात रविवार (ता. ३०) दुपारी तीन वाजण्याच्या सुमरास झालेल्या वादळी पावसाने चांगलेच झोडपले. शेती पिकात सर्वञ पाणी साचले तसेच पांढरीवस्ती वरील सिताराम तुकाराम बांगर यांच्या घरावरील पञे, कौले उडुन घरातील अन्न धान्यासह विविध वस्तुंचे नुकसान झाले.

रविवार (ता. ३०) रोजी दुपारी तीन वाजण्याच्या सुमारास अचानक आलेल्या वादळी पावसाने चांगलाच कहर केला. सुमारे पाऊण तास पडलेल्या वादळी पावसाने शेतशिवार पाण्याने तुडुंब झाले. पावसामुळे वादळही असल्याने घरे, शेतजमिन, शेतीपिकांचे नुकसान झाले. निरगुडसर, भराडी, जवळे खडकी, पांढरीवस्ती आदी परीसरात वादळी पाऊस पडला.

पांढरीवस्ती परीसरात झालेल्या वादळी पावसाने वीजेच्या तारा तुटल्या. झाडे कोसळली तसेच सिताराम बांगर यांच्या पडवीवरील सहा पञे उडून बाजरी, गहु, तांदुळ असे एकुण नऊ कट्टे पावसाच्या पाण्यात भिजले. घरावरील कौले, ढापे उडून पावसाचे पाणी घरात आल्याने टिव्ही, फ्रिज आदी वस्तू पावसात भिजून नुकसान झाले. तुकाराम भिका बांगर घरावरील पत्रा कौले, सुंघदा किसन पोखरकर यांच्या घरावरील कौले, संतोष गंगाराम पोखरकर यांच्या घरावरील कौले, चंद्रकांत कुशाबा राक्षे यांच्या बराखी वरील पत्रे उडून नुकसान झाले. तरी प्रशासनाने त्वरीत पंचनामे करुन भरपाई अशी मागणी भीमाशंकर कारखान्याचे संचालक दादाभाऊ पोखरकर, सामाजिक कार्यकर्ते दिपक बांगर यांनी केली आहे.