विश्रांतवाडी : धानोरी प्रभाग १ मधील गोकुळनगर येथील खलसे गोठा या ठिकाणी गेल्या पंधरा दिवसांपासून चेंबर ब्लॉक झाला असून या नागरिकांनी अनेक वेळा तक्रार केली. या तक्रारीच्या अनुषंगाने पुणे मनपाच्या कर्मचार्यांनी वरवर काम केले, पण त्यामुळे दररोज ड्रेनेजचे पाणी लोकांच्या दारात घरात जात असून आरोग्याचा प्रश्न निर्माण झालेला आहे,

यासंदर्भात महाराष्ट्र नवनिर्माण सेनेचे कार्यकर्ते. गणेश संजय पाटील यांनी सांगितले की पुणे मनपाच्या कार्यक्षम अधिकारी व कर्मचारी यांनी त्वरित हा प्रश्न लक्ष घालून कायमस्वरुपी सोडवावा व नागरिकांना स्वच्छतेचे वातावरण निर्माण करून द्यावे. जर या प्रश्नाकडे कानाडोळा केला तर आंदोलन करण्यात येईल. व

मनपा अधिकारी कर्मचार्यांना त्या पाण्याने आंघोळ घालू याची नोंद पुणे मनपाने घ्यावी, असा इशारा दिला. यासंदर्भात पुणे मनपाच्या कनिष्ठ अभियंता सायली सूर्यवंशी यांनी त्वरित कार्यवाही करण्याचे आश्वासन दिले असून त्यांनी मुकादम बाळकृष्ण शेखर यांच्या समवेत आज या ठिकाणी भेट दिली.