राज्यासह देशात गेल्या काही दिवसांपासून आयएएस पूजा खेडकर आणि तिच्या कुटुंबियांचे प्रकरण गाजत आहे. दरम्यान केंद्र सरकारने पूजा खेडकरच्या गैरप्रकारांची चौकशी करण्यासाठी पाऊले उचलली आहेत. तर मुळशीतील शेतकऱ्यांना पिस्तूलाचा धाक दाखवत धमकी देणाऱ्या पूजा खेडकरच्या आई मनोरमा खेडकर सध्या तुरुंगात आहेत.

तुरुंगाबाहेर असताना मिजास करणाऱ्या मनोरमा खेडकर यांची ही मिजास तुरुंगात गेल्यानंतरही संपली नाही. कारण तुरुंगात मनोरामा खेडकर यांनी अवास्तव मागण्या करत पोलिसांना भांडावून सोडले आहे.

अशात साम टीव्हीला सूत्रांनी दिलेल्या माहितीनुसार मनोरमा खेडकर यांनी तुरुंगातील पोलिसांकडे चॉकलेट्स आणि फळांची मागणी केली आहे.

यासह खेडकरांनी अंघोळीसाठी गरम पाणी आणि इतर कैद्यांना असलेले जेवन नाकारले आहे.