संतोष आटोळे
इंदापूर ता.24- इंदापूर तालुक्यातील गलांडवाडी गावच्या हद्दीत पुणे सोलापूर महामार्गावर इंदापूर शहर बाह्यवळणाच्या जवळ एका भरधाव ट्रकने एका दुचाकीस्वारास चिरडल्याची घटना घडली आहे. यामध्ये दुचाकीस्वाराचा जागीच मृत्यू झाला आहे.
घटनेनंतर संतप्त जमावाने सदर ट्रक पेटवून दिला. या अपघातात दशरथ मारुती चोरमले (वय 50 वर्षे, काळके वस्ती, गलांडवाडी नंबर 1 ता.इंदापूर) यांचा मृत्यू झाला आहे.
याबाबत अधिक माहिती अशी की, ट्रक नंबर (MH 32 AJ 9273) हा सोलापूर कडून पुण्याच्या दिशेने निघाला होता.या दरम्यान दुचाकी क्रमांक (MH 42 C 5604) वरून दशरथ मारुती चोरमले हे शहरात दूध विक्री करुन घरी निघाले असता त्यांना या ट्रकने चिरडल्याची प्राथमिक माहिती आहे.
यावेळी संतप्त झालेल्या जमावाने ट्रक पेटवून दिला. दरम्यान पेटवलेला ट्रक विझवण्याचा प्रयत्न करताना इंदापूर पोलीस ठाण्यात कार्यरत असणारे पोलिस कॉन्स्टेबल अर्जुन नरळे यांना किरकोळ भाजल्याची माहिती मिळत आहे.
पोलिस निरीक्षक दिलीप पवार यांचेसह पोलिस पथकाने घटनास्थळी धाव घेत जमावाला शांत करण्याचा प्रयत्न केला.यावेळी इंदापूर नगर परिषदेच्या अग्निशामकच्या मदतीने ही आग विझविण्यात आली. (Latest Marathi News)
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.