जुन्नर : (दत्ता म्हसकर) जुन्नर तालुक्यातील पोटनिवडणूक होत असलेल्या ३१ ग्रामपंचायतीपैकी आठ ग्रामपंचायतीच्या ११ जागा बिनविरोध झाल्या आहेत अशी माहिती तहसीलदार रवींद्र सबनीस व नायब तहसीलदार सचिन मुंढे यांनी दिली.

बिनविरोध ग्रामपंचायती (कंसात जागा) पुढील प्रमाणे :- राळेगण (१),खोडद (१), हातविज (३),पांगरी तर्फे मढ (१) तांबेवाडी (१) आलमे (१) मांदारणे (१) बुचकेवाडी (२) सात ग्रामपंचायती मधील एकूण १९ उमेदवारांनी अर्ज माघारी घेतल्यानंतर येथील ७ जागांसाठी २४ उमेदवार निवडणूक रिंगणात आहेत. निवडणूक होत असलेल्या ग्रामपंचायती (कंसात जागा व उमेदवार संख्या) पुढीलप्रमाणे :- वारुळवाडी(१-२), नारायणगाव(१-२), गोळेगाव(१-४), बेलसर (१-२), गुळूचंवाडी (१-२), पेमदरा (१-५), बांगरवाडी (१-७).

निमगिरी,पिंपळगाव तर्फे नारायणगाव, आंबेगव्हाण, अहिनवेवाडी, खिलारवाडी, वाणेवाडी, भिवाडे खुर्द, बोतार्डे, काले, अलदरे, सोमतवाडी या ११ ग्रामपंचायती- साठी एकही अर्ज आला नाही.यामुळे येथील पदे पुन्हा रिक्त राहिली आहेत. धालेवाडी तर्फे मिन्हेर ग्रामपंचायतीच्या रिक्त जागेसाठी दाखल केलेले अर्ज उमेदवारांनी माघारी घेतल्याने येथील जागा रिक्त राहीली आहे. आर्वी व हिवरे बुद्रुक येथील निवडणूक रद्द झाली आहे. नामनिर्देशनपत्र ९ डिसेंबर (गुरुवार) मागे घेतल्यानंतर उमेदवारांना निवडणूक चिन्ह देण्यात येऊन अंतिमरित्या निवडणूक लढविणाऱ्या उमेदवारांची यादी प्रसिद्ध करण्यात आली आहे. मतदान २१ डिसेंबर (मंगळवार) रोजी सकाळी ७.३० ते सायंकाळी ५.३० या वेळेत असून मतमोजणी २२ डिसेंबर (बुधवार) रोजी होणार आहे.