कल्याणीनगरमध्ये मोटारीने दोघांना उडविणाऱ्या अल्पवयीन मुलाने घटनेपूर्वी मद्यपान केले. त्यानंतर भरधाव मोटार चालवत धडक दिल्याचे सीसीटीव्ही फुटेज समोर आले आहे.

मोटारीने धडक दिलेल्या दुचाकीवरील दोघांनीही हेल्मेट परिधान केले नव्हते. त्यामुळे धडकेत त्यांच्या डोक्याला जबर मार लागला. युवतीच्या डोक्यातून रक्तस्राव झाल्याने तिचा जागीच मृत्यू झाला, तर तरुणाला उपचारासाठी नेत असताना त्याने प्राण सोडला.

कशी घडली घटना? जाणून घ्या घटनाक्रम...

१८ मे रात्री ९.३० वाजता : अल्पवयीन आरोपी मित्रांसमवेत मुंढव्यातील कोझी हॉटेलमध्ये

१८ मे मध्यरात्री १२ पर्यंत : कोझी हॉटेलमध्ये पार्टी

१९ मे मध्यरात्री १२ नंतर : हॉटेल ब्लॅकमध्ये गेले

१९ मे मध्यरात्री एकपर्यंत : हॉटेल ब्लॅकमध्ये पार्टी

१९ मे पहाटे २.३० वा. : भरधाव आलिशान पोर्श मोटारीची दुचाकीस्वार आणि इतर दोन वाहनांना धडक

१९ मे सकाळी ८.१३ वा. : येरवडा पोलिसांकडून अल्पवयीन मुलाविरुद्ध गुन्हा दाखल

१९ मे दुपारी चारच्या सुमारास : बाल न्याय मंडळाचे प्रमुख दंडाधिकारी आणि सदस्य डॉ. एल. एन. धनवडे व के. टी. थोरात यांच्याकडून आरोपीला अटी-शर्तींवर जामीन

२० मे १२.४८ वा. : मुलाचे वडिल व हॉटेल मालकांवर बाल न्याय अधिनियम २०१५च्या कलमांनुसार गुन्हा दाखल