कडेगाव : येथील तहसिल कार्यालयावर देशी-विदेशी दारुच्या रिकाम्या बाटल्यांचा खच आज आढळून आला.या धक्कादायक प्रकाराने महसूल विभागासह तालुक्यात एकच खळबळ उडाली आहे.
आज येथील तहसील कार्यालयावर कडेगाव नगरपंचायतीच्या भ्रष्ट कारभाराची चौकशी करण्याच्या मागणीसाठी राष्ट्रवादीचे शोले स्टाईल आंदोलन सुरु होते.यावेळी राष्ट्रवादीचे कार्यकर्ते व पोलीसांच्या साक्षीने हा प्रकार उघडकीस आला.
कडेगाव तहसिल कार्यालय म्हणजे तालुक्याचे मुख्य प्रशासकीय कार्यालय आहे.येथून तालुक्याचे सर्व प्रशासकीय कामकाज चालते. तर सध्या तालुक्यात सुरु असलेल्या अवैध वाळू तस्करीमुळे येथील तहसिल कार्यालय चांगलेच चर्चेत आले आहे.त्यातच
आता कार्यालयावर राष्ट्रवादीचे कार्यकर्ते व पोलिसांच्या साक्षीने देशी व विदेशी दारुच्या रिकाम्या बाटल्यांचा खच आढळून आला आहे.या प्रकाराने सर्वत्र एकच खळबळ उडाल्याने आंदोलनस्थळी असलेले प्रभारी नायब तहसीलदार जे.एन.लाड यांनी येथील दारुच्या बाटल्या हटवण्याचा सूचना कर्मचाऱ्यांना दिल्या.
तर तहसिल कार्यालयावर देशी-विदेशी दारुच्या बाटल्या कुठून आल्या याबाबत उपस्थितासह तालुक्यातील नागरिकांतून तर्क- वितर्काना चांगलेच उधाण आले आहे.
तहसिल कार्यालयावर दारुच्या रिकाम्या बाटल्या आढळून आल्या आहेत.त्या तेथून लगेच हटवण्यात आल्या आहेत.परंतु त्या येथे कशा आल्या,कोणी ठेवल्या याबाबत चौकशी करुन दोषींवर योग्य ती कारवाई केली जाईल.
- जे.एन.लाड,प्रभारी नायब तहसिलदार कडेगाव
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.