भरधाव खासगी बसने दुचाकीस्वार आणि रस्त्याच्या कडेला असलेल्या रिक्षा व मॅक्स गाडीला धडक दिल्याने दोघेजण गंभीर जखमी झाले. ही घटना कोथरूड येथील वनाज कॉर्नर परिसरात बुधवारी घडली.

पोलीस उपायुक्त संभाजी कदम यांनी दिलेल्या माहितीनुसार, "वनाज कॉर्नरजवळ आज सकाळी भरधाव बसचालकाने दुचाकीला धडक दिली. त्यानंतर रस्त्याच्या कडेला असलेल्या रिक्षा आणि मॅक्स गाडीला धडक दिली.

या अपघातात दोघेजण गंभीर जखमी झाले आहेत. जखमींना उपचारासाठी रुग्णालयात दाखल केले आहे.

खासगी बसचालक आरोपी बाळू बाळासाहेब थोरात (रा. चाफेकर चौक, चिंचवड) याला पोलिसांनी ताब्यात घेतले आहे. पुढील तपास पोलिस करीत आहेत. 

दरम्यान या अपघाताचा व्हिडिओ सोशल मीड्यावर प्रचंड व्हायरल होत आहे.