Leopard sakal
पुणे

Leopard : बारामतीत तीन दिवस बिबट्याचा मुक्त संचार; काळजी घेण्याचे वनविभागाचे आवाहन

बारामती शहरातील मेडदपरिसरातील टोयाटो शोरुम मागील गटकळवस्तीवर तीन दिवस बिबटयाचा वावर आढळल्याने या परिसरातील ग्रामस्थात भीतीचे वातावरण आहे.

मिलिंद संगई

बारामती - शहरातील मेडदपरिसरातील टोयाटो शोरुम मागील गटकळवस्तीवर तीन दिवस बिबटयाचा वावर आढळल्याने या परिसरातील ग्रामस्थात भीतीचे वातावरण आहे. तीन दिवसांपूर्वी एका कुत्र्याची शिकार या बिबट्याने केलेली होती. सलग तीन दिवस शिकार खाण्यासाठी बिबटया गटकळवस्ती परिसरात येत असल्याची बाब पुढे आली आहे.

दरम्यान वनविभागाने या परिसरात फिरुन बिबटयाची शोधमोहिम हाती घेतली आहे. चार दिवस बारामती तालुक्यातील खांडज परिसरात देखील बिबट्याचा वावर असल्याची बाब वनपरिक्षेत्र अधिकारी शुभांगी लोणकर यांनी नमूद केली.

गटकळवस्तीनजिकच्या सर्व परिसरात वनविभागाच्या वतीने नागरिकांनी सावध राहण्याचे आवाहन करण्यात आले आहे. युध्दपातळीवर बिबटयाची शोध मोहिम सुरु असून वनविभागाचे कर्मचारी चोवीस तास याच कामावर असल्याचे शुभांगी लोणकर यांनी सांगितले.

ग्रामस्थांनी बिबट्याने कुत्रे मारल्याची बाब वनविभागास कळविल्यानंतर कॅमेरे बसविण्यात आले. या कॅमे-यात बिबटयाने कुत्र्याची केलेली शिकार फस्त करण्यासाठी हजेरी लावल्याची बाब उघड झाली. त्या नंतर वनविभागाने हालचाली करत या भागातील लोकांना सावधानतेचा इशारा दिला आहे.

तीन दिवस बिबट्या दिसला असला तरी शनिवारी (ता. 17) बिबटया आढळलेला नसल्याने त्याने स्थलांतर केले असावे असा वनविभागाचा अंदाज आहे.

काळजी घ्यावी..

बिबटया वस्तीत घुसल्याने ग्रामस्थांनी पुरेशी काळजी घ्यावी असे आवाहन वनविभागाने केलेले आहे. शिकारीच्या उद्देशाने हा बिबटया नागरी वस्तीत घुसला असावा असा अंदाज आहे. लोकांनी पुरेशी काळजी घ्यावी असे शुभांगी लोणकर यांनी नमूद केले आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Maharashtra Assembly Election Result : महायुती सत्तास्थापनेजवळ; महाविकास आघाडीचीही कडवी झुंज

Maharashtra Assembly Election 2024 Results Vote Counting Live Updates: मावळ विधानसभा मतदारसंघातून सुनील शेळके यांना ९९७० मतांची आघाडी

Mumbai Assembly Election Results 2024 LIVE Counting: वांद्रे पूर्व विधानसभेत वरुण सरदेसाईंची मुसंडी

नुकतीच पार पडलेली ब्राइड टू बी पार्टी; आता बॅचलर पार्टीसाठी थायलंडला पोहोचली मराठी अभिनेत्री; पाहा झक्कास फोटो

Winter Diet: आहारात 'या' 5 पदार्थांचा करा समावेश, हिवाळ्यात राहाल निरोगी

SCROLL FOR NEXT