पुणे: भाजपाचे प्रदेशाध्यक्ष चंद्रकांत पाटील (chandra kant patil) यांनी आज पुण्यात पत्रकार परिषदेला संबोधित केले. यावेळी त्यांना संभाजी राजेंच्या खासदारकीच्या राजीनाम्याविषयी प्रश्न विचारण्यात आला. संभाजी राजेंनी मराठा आरक्षणाचा (Maratha reservation) विषय सुटला नाही तर राजीनामा देण्याचा इशारा दिला आहे असा प्रश्न एका पत्रकाराने विचारला. (Maharashtra bjp president chandra kant patil salm maha vikas aghadi govt)

त्यावर "पहिला मुद्दा व्यक्तीगत विषय आहे. त्यांनी राजीनामा देऊन कशावर परिणाम होणार आहे, हे माहित नाही. महाराष्ट्र सरकार हे एक कोडगं सरकार आहे. त्यांनी ठरवलय काही ऐकून घ्यायचं नाही. आता ओबीसी आरक्षणाच्या विषयावर छगन भुजबळ बोलत असताना सारखे केंद्र, केंद्र करत होते. आता आदित्य ठाकरेंना मुलगी हवी असेल, तर उद्धव ठाकरे पंतप्रधान मोदींना पत्र लिहितील. तिथे दिल्लीत मुलगी असेल तर बघा" असा टोला त्यांनी लगावला.

"संभाजी राजेंच्या खासदारकीच्या राजीनाम्याने कोणावर परिणाम होणार नाही. आमच्या पक्षात निर्णय घेण्याचं पूर्ण स्वातंत्र्य आहे" असे चंद्रकांत पाटील यांनी सांगितले. देवेंद्र फडणवीस यांनी काल शरद पवारांची भेट घेतली. आज जळगावमध्ये खासदार रक्षा खडसे यांना भेटले. त्यावर चंद्रकांत पाटील म्हणाले की, "पवार साहेब आजारी आहेत. कमी लोकांना भेटायला परवानगी आहे. त्यात देवेंद्र फडणवीस यांनी सुप्रिया सुळेंना विनंती करुन ही भेट घेतली असेल. पवारसाहेबांच्या तब्येतीची चौकशी करण्यासाठी ही भेट होती." तसचं "जळगाव जिल्ह्यात केळीबागांचं मोठं नुकसान झालय, त्यासाठी देवेंद्र फडणवीस खासदार रक्षा खडसे यांना भेटले" असं चंद्रकांत पाटील म्हणाले.

"ओबीसी आरक्षणासाठी तुम्ही मागास आयोग नेमला पाहिजे. जिल्हानिहाय डाटा गोळा करुन, तो सुप्रीम कोर्टात मांडावा लागेल, पुन्हा OBC आरक्षण मिळू शकतं" असे चंद्रकांत पाटील म्हणाले.