महर्षी नगर : विद्युत महावितरण ऑफिसला रात्री पाउणे नऊ च्या सुमारास आग लागली, कंट्रोल रूम ला स्थानिक नागरिक संजय साठे यांनी दूरध्वनी केल्यानंतर काही वेळातच अग्निशमन दल दाखल झाले असून पंचनामा सुरू आहे. आग किरकोळ स्वरूपाची होती आगीत कोणतेही नुकसान झाले नसून आग शॉट सर्किटमुळे लागली असल्याची शक्यता वर्तविण्यात आली. सहाय्यक अभियंता रणजित वाघ यांच्या केबिन ला आग लागली होती.

ऑफिसच्या मागच्या बाजूला परिसराला विद्युत पुरवठा करणाऱ्या डीपींची संख्या अधिक असून त्याच्या बाजूलाच इंदिरा नगर झोपडपट्टीचा भाग आहे. आग मोठी नसल्याने जिवीतहानी धोका टळली. आग विझविण्यासाठी अग्निशमन दलाचे स्टेशन ऑफिसर प्रकाश गोरे, तांडेल राजाराम केदारी, फायरमन मंगेश मिळवणे, सचिन जवंजाळे, प्रताप फणसे, रौफ शेख, वाहनचालक कोळी उपस्थित होते.